La Usc di Ladins

Le calënder por atletes y atlec dl Marlene Cup é sté valgamia spës. Sce i jun do linia, él sté ai 30 de jená a Reinswald na discesa dles ëres, che á odü ince valgügn podesć ladins. Insciö chël de Kristin Moling da La Val, che s’alenëia pro le Kronplatz Skiteam, che é gnüda pröma tla U21, dan la compagna de scuadra Valentina Fill. Pro les U18 á él sté Lisa Mahlknecht y Arianna Putzer dl SC Gherdëina, che á arjunt respetivamënter n 2. y n 3. plazamënt. Le de do él sté tres a Reinswald ciamó trëi disceses, cun döes che valô por le campionat provinzial FISI.
Le titul de campiuns provinziai U21 ti é jüs pro i ëi a Hannes Frötscher dl Kronplatz Skiteam dan Mike Rifesser dl SC Gherdëina y Alois Köllemann Baldini (Vinschger Oberland). Pro les ëres é le titul de Kristin Moling dl Kronplatz Skiteam.

Deplü resultac t’La Usc di Ladins di 7 de forá  (pablo)