La Usc di Ladins

"Bellu Memorial", se tlama la competiziun internazionala de jadiné, che é gnüda desfirada dai 18 ai 23 de forá tla Romania. Al apel s’á ince presenté na bela cumpëda de jadinadësses y jadinadus dl Ice Club Alta Badia, acompagná da süa alenadëssa Giulia Garello. I resultac de n’á nia mancé. Felix Oberbacher s’á metü a saul le pröm post tla "Advanced Novice Men" cun 95.11 punc, tratan che Lea Marie Castlunger á podü salté sön podest tla "Advanced Novice Women", olache ara s’á plazé al 3. post cun 90,74 punc. I pröms dui posć é dles franzejes Selma Benamar cun 94,37 y Iliana Bentara cun 91,81. Tla medema categoria s’á ince mosoré Marlene Tschaffert, á stlüt jö süa gara al 6. post. Nia inultima ciamó Aurora Costa y Maya Crazzolara, che á garejé tla "Basic Novice" y á stlüt jö respetivamënter al 5. y 12. post.  (pablo)