La Usc di Ladins

Rua endodanef i 3 ponc per l Fascia Balon, de gra a la venta sul ciamp forest contra l Mezzocorona.
Ti prumes menuc la endesfida se jia n muie te mez al ciamp, zenza che nience una de le doi squadre abie la soramessa su l’autra. La pruma ocajion la rua entorn la metà del prum temp, co na trata dai 30 metres che Sebastiano Rasom de Gotart met te mez a l’area: l prum a ruar sul balon l é Patrizio Deville de Bronza che de ciaf l chiama a la gran parada l portier de ciasa.
En domenia ai 2 de marz i proarà endò a se portar autres 3 ponc a ciasa da Villa Agnedo, olache da le 3 domesdì i jirà a jiar contra l Ortigaralefre.

De più su La Usc stampèda de en vender ai 28 de firé.

 (Pierpaolo Rasom)