La Usc di Ladins

N sada ai 8 de merz domesdì fova udù dant a Neva Tudëscia l ultim di dla seria A y B dl Campiunat provinziel a scuadres de scioh. La situazion de tlassifica fova tlera: al Gherdëina bastòvel fé 1,5 ponc de brëia sun sies per tenì l prim post. L averser, l detentëur dl titul Neva Tudëscia, metova adum duta si forzes plu stersces cun bën cater »Maestri Fide (FM)« per cialé de ti vester al Gherdëina y se à prejentà perchël cun si miëura furmazion de duta la sajon.

L Gherdëina fova, dal’autra pert, ndeblì dal mancë de si prima mëisa Niccolò Casadio. Pra duta la mëises, ora che pra la cuinta, ova i jugadëures dl Neva Tudëscia n pont »elo« majer y perchël ne fòvel sul papier nia da stlù ora che i pudëssa propi vëncer 5 a 1 per defënder l titul. La tenscion tla gran sala dla Cësa de Cultura »Nova Teutonica« fova tla stëiles.

La Lia Scioh Gherdëina

L articul ntier tla edizion nueva de La Usc di Ladins de n vënderdi ai 21 de merz.