La Usc di Ladins

N vënderdi sëira ai 14 de merz iel unì metù a jì la 31ejima edizion dl Sellaronda Skimarathon, la garejeda cun la peves ntëur l Sela. 1.100 atlec y atletes, de ndut 550 pères, ie piëi via dala sies da sëira cun n drë’ sgors te Sëlva. L prim jëuf che i messova fé, fova l jëuf de Frea y daldò iesi mo furnei su y ju per l Ciaulonch, l Pordoi y l Sela. De ndut fòvel da fé 37 chilometri y n deslivel de 2400 metri. Per gaujes liedes ala nëif àn mpue scurtà la trassa y n ne n’ie nia furnei ju a Cianacei, ma mé nchin dal Lupo Bianco.

I miëures ie stac i trentins Davide Magnini y Federico Nicolini; i doi atlec dla val di Sole y de Molveno à fat duta la raida te 2 ëura y 45 menuc. Nchin ala fin à nce l atlet de Gherdëina Alex Oberbacher, deberieda cun si cumpani William Boffelli de Roncobello tla provinzia de Bergamo tenì pea. Ëi ie ruvei segondi a mé n menut y 13 secunc
dai prims cun n tëmp de 2 ëura, 46 menuc y 13 secunc. Terzi ie ruvei Matteo Eydallin y Robert Antonioli, ëi à abù 10 menuc y 7 secunc plu giut che i prims.

USC

L articul ntier tla edizion nueva de La Usc di Ladins de n vënderdi ai 21 de merz.