La Usc di Ladins

De la tropa desgrazies che se à sentù chest istà, i amanc di libres se n à seguramenter segnà n par. Anter chestes la mort te n tragich azident de la presidenta de Bloomsbury USA, sor americhèna de la cèsa editora ingleisa cha à publicà i libres de Harry Potter che à mudà la storia de la letradura. 

En vacanza con sia familia, Adrienne Vaughan la é stata vitima de n azident anter doi bèrches tel mèr de Amalfi. E coscita per na dì l mond di libres l é stat protagonist no più con la scancies, ma con l’editoria, che à vedù na giornèda neigra, ma l à fat recordèr de esser. La mort de la presidenta de Bloomsbury no à a che veder col liber che ve mete dant, ma la storia de Vaughan l é n bon pont de partenza per entener che l mond di libres l é fat da na longia filiera, che n liber fenì l é n prodot de gran lurier e dinamiches particolères che ne porta a lejer chest o chel a seconda de chi che mef i fii del jech dedò la quintes. Apontin chesta dinamiches vegn toutes ca a na vida dassen ironica da Giampaolo Simi te chest roman novità del 2023. Simi se cruzia da semper de narativa de desvaliva sorts, dal fantasy al horror e soraldut dal śal al noir. E te chest liber apontin de śal l rejona, ence zenza n omizidie misterious e pien de efet da cogner descorir…

Podede lejer dut su La Usc stampèda de vender ai 29 de setember.