La Usc di Ladins

Anter 19.155 retrac da 78 Paijes, l fotograf Moreno Pellegrin da Dèlba l se à vadagnà adertura doi menzions de onor te doi desferenta categories al Memorial Maria Luisa, n concors internazionèl de fotografia naturalistica. Col retrat »Challenging the elements«, schendir ‘endesfidèr i elements’, l à abù dalbon n gran e bon aprijiament te la sezion ‘L mondo di ucie’; enveze con »The death of one is the survival«, ‘la mort de un l é la soravivenza’, l se à fat lèrga te la categoria resservèda a la ‘biodiversità’.

Se sà che la fotografia naturalistica la tol ite dalbon sacotenc aspec, dai retrac ai paesajes e piantes, ai fonches e insec, ampò l amor de Moreno l é soraldut envers la bestia salvères. »É chesta pascion da oramai 20 egn en ca, l ne à contà, — e la cresc semper de più«. E belimpont en cont de chesta doi menzions de onor, sion jic a n descorer con el.

Podede lejer duta l'intervista su La Usc stampèda de en vender ai 17 de mé.  (Nicoletta Riz)