La Usc di Ladins

La gran desgrazia de jai 2 egn sun Marmolèda, con la mort de undesc persones, é amò fona te la ment e tel cher de duc. Apede a la recordanza, con na messa e n docu-film moscià a Cianacei, aon volù veder coche l é ades la situazion, per l giacé e per la segureza de la jent che va sun Marmolèda.

Ge l aon domanà a Thomas Zanoner, capo de la Stazion de Socors da mont de Moena, ma ence espert de giacees, ajache do l Istitut Agrarie a Sèn Micel e l’Università de geologia a Pèdua l à fat l dotorat apontin en glaciologia e l à colaborà a projec e enrescides te chest setor tant con l’Università de Pèdua che con chela de Pavia. Dal meis de setember l é forestal a Moena.

Jai doi egn, canche l prum alarm rejonèa de na levina sun Marmolèda, duc se n aea fat marevea che te n istà tant ciaut e sut posse esser levines... 
Thomas Zanoner Enveze chel l era n destach, no na lavina. La desferenza l é che na lavina la tol int demò l strato de nef del invern, enveze jai doi egn l é crodà na gran porzion de giacia e l é come canche se destaca n toch de crepa, ma l é giacia, no demò l ultim strato de nef.

Podede lejer dut su La Usc stampèda de en vender ai 12 de messèl.  (Lucia Gross)