La Usc di Ladins

L va fora su la soma de 18 milions 178.632 euro l bilanz del Comun General de Fascia per l an 2024, con entrèdes de cassa de 24 milions e mez, speises de cassa per beleche 21 milions e n fon stimà a la fin del an finanzièl 2024 de 3 milions e mez de euro.

Chest l chèder del bilanz prejentà te la ultima scontrèda del Consei General, olache l conseier de procura Riccardo Donei l à portà dant la mudazions per l comedament generèl e control del stravardament di equilibries de bilanz.

Mudazions che en dut les moscia n smaorament de 863.021 euro, tant per la entrèdes che per la speises. La soma maora l é chela de 450.000 euro metuda a bilanz per la encèries profescionèles per la ex caserma Vittorio Veneto, che doventarà la senta istituzionèla del Comun General, e che vegn touta dal arvanz de aministrazion no vincolà.

L Conseier de procura Carlo Ganz à portà dant la neves en cont del projet de restruturazion de la Vittorio Veneto.

De più su La Usc stampèda de en vender ai 16 de aost.  (Lucia Gross)