La Usc di Ladins

L era l 1999 canche, en ocajion di 30 egn di Ciamorces de Fascia, vegnia fora l gran liber »Storia dell’alpinismo fassano«. L é passà 25 egn e chela publicazion resta amò n pont de referiment fondamental e prezious per duc chi che vel informazion sun chest argoment. L autor l é Dante Colli, clas 1935 da Carpi, te la provinzia de Modena, che da passa 70 egn vegn su per nesc monc e da beleche 50 l à tout cartier a Poza.

Son jita a l troar per ge domanar de chesta opera e te soa majon fedrada de libres, rejonan con el, é descorì na persona piena de enteresc, no demò tel setor del alpinism, e chest enceben l’età che segur no l moscia: a la fin del an che vegn i sarà 90 e ence se no se i veit, l disc che l peis da portar se l sent.

A me dar n bel azet con n bon café l é stat soa femena Lidia: la forta union anter Dante e Lidia Colli à dat vita no demò ai trei fies Marina, Carlo e Anna, ma ence a n muie de scomenzadive e publicazion per riviste del mond catolich.

Anter dut é descorì ence che l an passà a Dante Colli ge é stat dedicà na via alpinistica sul Crep de Sènt'Uiana.

De più su La Usc stampada de en vender ai 30 de aost.  (Lucia Gross)