La Usc di Ladins

Ai 31 de aost del 1874 i alpinisć ingleisc Charles Comyns Tucker, Thomas Henry Carson e l menacrep franzous da Chamonix François Devouassoud ruèa su per la pruma outa sunsom Ciadenac. Che no l é pa l spiz più aut, l Ciadenac, demò 2965 metres, ma segur chel più fascinegol per sie parees auc e maestousc che vèrda via la Val del Vaiolet da na man e Dier, la Val del Adesc e Busan da l’autra. Sia crepa ententa di colores ciauc de l’enrosadira l’à ispirà la conties del ream de Re Laurin, che à fascinà ence Tucker.

La SAT à recordà chest cedean storich zis emportant jà con sie prum boletin de chest an, con n retrat da d’invern del parei est. Tel temp l é belapontin l parei est a endesfidèr maormenter chi che va a crepes, a averjer vies semper più senestres e maraveouses. Anché aboncont no ve conton de chest, ma de la pruma ascenjion.

Podede lejer dut su La Usc stampèda de en vender ai 30 de aost.  (Nicoletta Riz)