La Usc di Ladins

L'idea l é de chiamèr ite i joegn del 2006, 2007 e ence del 2008 per ge fèr cognoscer i ric e la tecniches per poder realisèr enstesc l ciapel e l gramièl da conscrit personalisé. Vegnarà endrezà n laboratorie artistich-creatif e l scontrèdes sarà viventèdes da DJ Sem, inom d’èrt de Samuel Cincelli, clas 1994 da Poza che à na gran pascion per la musega, che l à tout fora cianzons dal repertorie folcloristich ladin e l les à remixèdes e lurèdes fora per ge dèr na caraterisazion più moderna e joena.
Lla scomenzadiva veganarà endrezèda te Ciasa de la Moniaria a Sèn Jan. Per aer maor informazions se pel chiamèr l’Union di Ladins al numer 0462 764545, chi che vel se enscinuèr i pel manèr n messaje whatsapp al medemo numer.

Pelegrinaje a Oies
L’Union Generela di Ladins dla Dolomites, adum a la Union di Ladins de Gherdena met a jir l tradizionèl apuntament col pelegrinaje de Oies en domenia ai 15 de setember.
L’Union di Ladins de Fascia é a la leta per endrezèr l trasport. I enteressé cogn chiamèr l 0462 764545 dant dai 6 de setember che coscita la sociazion pel dezider se prenotèr la coriera.