La Usc di Ladins

Ai 28 de jené la classes quintes de la scola populèra de Cianacei les é jites a Trent, ensema a sia maestres Luisa, Rosanna e Stefania per l projet »Conseieres per na dì«, metù a jir chest an da la Provinzia Autonoma de Trent, con l obietif de arvejinèr i bec al mond de la politica e del sozièl. De gra al endrez de la Provinzia i scolees à podù fèr da doman n’atività gustegola a la descorida di depenc del artist Depero. Do i se à spostà te la Cambra del Consei olache i à podù fèr mena de esser conseieres apontin per na dì e ge portèr dant sia curiositedès al conseier ladin Luca Guglielmi.

L é stat per duc na giornèda spezièla e n’ocajion per i bec de tor consaputa de noscia autonomia.

 (La maestres)