La Usc di Ladins

Per i 21 de firé, dì del lengaz de la mère, te la scolines de Soraga, Pera e Cianacei l é stat fan n projet dassen gustegol e emportant.

L’idea, descheche ne à dit la coordenadora pedagogica de la Scola Ladina de Fascia per la scolines Tatiana Soraperra, é peèda via aldò de na formazion sui lengac fata da la maestres te chesta scolines e la é cresciuda ence col didament del Servije Infanzia de la Provinzia de Trent.

»Nos sion do che fajon n percors de formazion con Paola Celentin del grop de lurier del professor Michele Daloiso, che ti egn passé aea fat la enrescida sul bilinguism te noscia scolines publichèda ence te n liber. Fajon n aprofondiment su la didatica per la doura de più lengac te la scolines per veder la strategies educatives miores per meter adum più lengac te la medema atività, apede al talian e al ladin, per ge fèr entener ai bec che aon entornvia desvalives lengac, chel de la mère, chel che sention a scola o te boteiga, chel che rejona nosc compagn e c.i.

Podede lejer dut en cont de chest bel projet su La Usc stampèda de en vender ai 28 de firé.  (Lucia Gross)