La Usc di Ladins

N grop di studenc de le clasc 4^ e 5^ di trei licees de la Scola Ladina de Fascia l à tout pèrt a la scomenzadiva La Ferata de la memoria, metuda a jir dai 11 ai 18 de firé.

L se trata de n projet cultural per endrez de la sociazion da Trent »Terra del fuoco« a chela che la Scola Ladina tol pèrt jà da desvalives egn.

Per viac se aon fermà i prumes doi dis a Berlin, olache aon vedù vèlch post emportant de la zità desche l Memorial, la Branderburger Tor e l Mur batù ju dal 1989. Na frasa depenta sul mur à colpì i 40 bec ladins: »du hast gelernt was Freiheit heisst und das vergiss nie mehr«. Apede chest aon podù vijitèr l ciamp de conzentrament de Ravensbrück, che l era destinà demò a la femenes.

Ne à imprescionà doi fac: chiò no l era demò femenes ebrees ma ence femenes comunistes, sozialdemocratiches, fates prejonieres per sia idees desferentes da cheles del Rejim o demò per no aer respetà le Leges de Norimberga su la pureza de la raza percheche les aea abù raporc con jent no todescia conscidrèda inferiora. L auter fat che ne à tocà l é stat che chiò l é nasciù beleche 500 picui...

Podede lejer dut su La Usc stampèda de en vender ai 7 de mèrz.





 (Marianne Weiss e Anna Lazzer)