La Usc di Ladins

Anchecondì la capazità veiora de contèr, portèda inant fin al secol passà da na tradizion che tegnia en gran cont la oralità, la se à smendrà debel con la difujion de la tecnologia. Fosc apontin per no perder l’usanza de ge contèr conties ai picioi, l é nasciù l projet »Nati per leggere« che l à encomai compì 25 egn.
Tel chèder de chest projet la Biblioteches de Fascia e Fiem se à metù d’acort per portèr su e meter fora a roda ti paijes la produzions editorièles per picioi da 0 a 6 egn, con evenc de compagnament.
Do esser stata metuda fora te la Biblioteca del Comun de Sèn Jan, ades la mostra sarà fin ai 19 de oril te Biblioteca de Moena: en vender ai 11 de oril da les 15.00 l é l benvegnù te sala Rovisi e dapò da les 16.00 en mèrtesc ai 15 sarà la esperta Elisabetta Vanzetta e ai 18 amò letures per i picoi.

Se pel lejer de più su La Usc nr 14 dai 11 de oril: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.





 (LG)