La Usc di Ladins

La gran sala fova tocia y plëina. Truepa jënt de duta la valeda à ulù unì a cialé cie che l Cunsëi de Chemun de Santa Cristina fej ora. Nia da giut òven dat ju na pruposta de na delibera, ulache n se damandova che l Cunsëi tole na dezijion mo dan la veles.

N valgun cunselieres à tëut la parola y à spiegà ciuldì che i ie contra n cunliamënt nuef ti Plans de Cunfin y che n ie per mantenì l cunliamënt cun la curieres. Un n cunselier à tëut la parola y dit che do si minonga fossa na ferata la miëura soluzion.

Daldò iel unì lità: 9 cunselieres à lità che l ne vënie nia plu jit inant cun i proiec per fé su na furnadoia o ferata per cunlië i raions dai schi de Mont de Sëuc y Pana y che l ne vënie nia a s’l dé n cunliamënt nuef. Cin’ cunselieres fova contra chësta dezijion. Un n cunselier à dan la descuscion y litazion messù lascé la sala.

Elisabeth Kostner

L articul ntier ie da liejer chëst'ena che vën te La Usc.