La Usc di Ladins

Cun la gara de Flachau ai 9 de merz á Manfred Mölgg ofizialmënter stlüt jö süa cariera agonistica. Vint agn te Copa dl Monn é lunc, vint agn de emoziuns, de ligrëzes, de alc y basc. I n’un nia orü intervisté Manfred "sön bota cialda". I un orü aspeté valgügn dis che la pert plü emozionala dl salüt ala Copa dl Monn, dl comié agonistich cun la festa a Al Plan y ince dl sciosciüre s’apajass n pü’ ia.
Mo spo l’unse incunté, te süa ciasa a Al Plan, por s’la cunté n pü’ de ci che chisc agn á orü dí. Insciö nes ál cunté ci che al ti passâ por le ce a Flachau, canche al s’arjignâ da pié jö por süa ultima manche. Al s’á cunté de sü momënc plü importanc, mo ince dla medaia mondiala davagnada a Aare, olache al â tan me che al n’orô pordërt gnanca pié ia. Lapró s’ál dit co che al á vit i "basc" de süa cariera, co che al tolô sö comentars ficiusc y le ciodí che al ará magari mancia n pü’ chël druch y chë adrenalina. Nia inultima ti unse damané ci che al fajess sëgn ion.

La intervista podëise lí t’La Usc di Ladins dl 1. de aurí   (Intervista: Pablo Palfrader)