La Usc di Ladins

Al ê le 17 de dezëmber dl 1903, canche i fredesc Wright â inauguré le pröm fligher y é stá bogn da se destaché da tera, n jore de 12 secunc a püc metri da tera. Da dailó incá él sté n svilup nia da crëie, che á condüt la porsona finamai tl cosmos.
Iö â trëdesc agn, canche i podô senté sön n fligher por le pröm iade, i ê afascinada da podëi ti ciaré ala tera da n’altëza de 10 km. I â ince podü ti dé na odlada al cockpit plëgn de stromënc misteriusc.
Ci che m’atirâ le plü ê indere la poscibilité da joré zënza motor, lëdia tl’aria. Le paracadutism ê inlaota chël che por me se avijinâ le plü al jore, la vita conzentrada te chi cincanta secunc de tomada lëdia a duicënt al’ora. Fá inant cun chësc sport n’ê indere nia tan scëmpl y ince plötosc cer, y se paia ma sce an ne vir nia massa dalunc da n zënter atrezé.

Karin Pizzinini, deplü tla ediziun de La Usc di Ladins nöia, dodoman!