La Usc di Ladins

La fondamënta: la solidité dl sistem bancar internazional
Cun les acordanzes de Basilea á n grup de stac europeics metü sö les linies guida che scrí dant i recuisic patrimoniai dles banches cun l’obietif da arjunje la stabilité finanziara dl sistem bancar internazional y insciö da aumenté la crëta tl sistem. En forza dles diretives de Basilea mëss les banches desmostré che ares á n “capital de verda” ("capitale di vigilanza") de n livel adaté por afronté i majeri risć de süa ativité. Vigni iade che na banca conzed n finanziamënt, mëssera mëte da pert na certa cuantité de so patrimone, por smendrí le prigo che le debit ne vëgnes nia paié zoruch. Chësc é le risch de credit. Implü á le intermediar finanziar da curí deplü risć che depënn da süa ativité, p.ej. le risch de marcé, le risch operatif, risch informatich y cyber, risć de licuidité, risch dl andamënt di fic, le risch ambiental yii. Les banches mëss porchël fissé na strategia de co curí i risć cun le capital a desposiziun.

Tla ediziun nöia da incö dl foliet "La Usc di Ladins" podëise lí do les spligaziuns de Dr. Klaus Vanzi söl "rating" tla RUBRICA DE ECONOMIA!