La Usc di Ladins

Dal vangele do san Mateo 21, 28–32

Te chël tëmp ti á Gejú dit ai gragn proi y ai plü vedli dl popul: "Ci minëise pa os? N om â dui mituns. Al é jü dal pröm y á dit: Vá incö a lauré tla vigna! Alá respognü: Sce, Signur!, mo al n’é nia jü. Spo él jü dal secundo fi y ti á dit le medemo. Chësc á respognü: I n’ó nia. Mo plü tert ti ára moiü, y é impó jü. Cal di dui á pa fat la orenté de so pere?" Ai á respognü: "Le secundo." Sön chëra ti á Gejú dit: "Amen, chël ves diji: I publicans y les prostitutes röia plü saurí tl rëgn de Dî co os. Jan é gnü a ves mostré le tru dla iustizia, y os ne ti ëis nia cherdü; mo i publicans y les prostitutes ti á cherdü. Os indere ëis odü chëstes cosses, y impó ne s’ára nia moiü y ne ti ëise nia cherdü."

Parora dl Signur. – Lalt a te, Gejú Crist!