La Usc di Ladins

Por 30 omi di Stödafüs d’Al Plan é la nöt dai 19 ai 20 d’agost stada na nöt cörta. L’alarm é gnü dales 3:15 da doman, deache al â pié füch na ütia de lëgn, cun laite n ciantun cun la grilia. Canche i omi é rová söl post ê la picia frabica bele deplëgn en flames y porchël êl scialdi püces speranzes da salvé valch. Indere êl impó da destodé cun prescia, deache tles vijinanzes él n camping sciöche ince na ciasa cun apartamënc por sciori. Söl post él ince antergnü i Carabiniers, che fej spo les inrescides sön les gaujes.  (pablo)