La Usc di Ladins

Gnanca n nio n’é gnü a desturbé le Rait de San Linert 2024, che s’á desfiré inann en domënia ai 10 de novëmber. Cun temperatöres cialdi­nes y sot a n bel sorëdl, á podü defilé por la 24ejima ediziun dla raitada tradizionala a Badia, plü de 150 ciavai dles döes razes plü conesciüdes chiló tl raiun. Norics y haflingher é rová adalerch cun sü zidladus da dötes les perts dl Südtirol y i ciavai premiá tl ultim ann, stortá ia y infornis sö por l’ocajiun, á fat parüda defilan cun deplü uniuns locales y musighes dles valades ladines.

I norics é stá protagonisć de chësta ediziun, che á festejé le iubilé de 120 agn dl’Uniun di Norics Val Badia, alzan fora la raza de ciaval, cun chëra che la tradiziun dl zidlamënt te val â metü man dan da plü de cënt agn.

Liede deplü tla ediziun nöia de vëndres, ai 15 de novëmber!