La Usc di Ladins

Bravo a Reinhart Stuffer per chël che l à scrit y ciantà. Ëi à defin rejon canche i cianta che nosc bel Saslonch cun i Plans de Cunfin dëssa unì stravardei. Lascion dut coche l ie śën. Tenion adum. Duta Gherdëina dëssa se paré contra l cunliamënt danter Pana y Sautaria. On furnadoies y purtoies assé. Turisć nen iel ënghe plu che assé. L Chemun de Urtijëi y chël de Sëlva ie ënghe de contra de reviné chël bel raion, unich tla Dolomites y de na belëza straurdinera. Y nchinamei la Scola de Schi de Sëlva à detlarà cun si presidënt che l ie turisć assé che va cun i schi. I purtoies ie bele plëns. De gra a duc chëi che se pera y che lascia audì si usc contra la burtëza che n valguni uel fé te chël bel raion.

Cun de biei saluc,
Christian G. Stuflesser, Urtijëi