La Usc di Ladins

Sport
Uni juebia
Ancunteda de sauté
I Gherdëina Runners mët a jì na ancunteda cun alenadëur per miuré la tecnica de sauté y per mparé leprò n con’ de chësc sport, uni juebia dala 19:00 nchin la 20:00 sun l ciamp dal sport Mulin da Coi. Dutes y duc ie de cuer nviei:des.
02.09.
Marcialonga Runnning
Doman sabeda ai 2 de setem­ber l é la 21^ Marcialonga Running Coop. I concorenc pea via da les 16:30 da piaz de Sotegrava a Moena per fèr i 21 km. fin fora Masi de Ciavaleis e l é ence l met de fèr la garejèda a stafeta con squadres da trei componenc che se spartesc l percors: 10 km. da Moena a Pardac, 8 da Pardac a Lago e 8 da Lago a Ciavaleis.
02.09.
Kronplatz King MTB Marathon
En doman sabeda ai 2 de setëmber vëgnel tigní la gara dles rodes »Kronplatz King MTB Marathon«, cun start a Al Plan y travert sön Plan de Corones. I pröms atlec pëia ia dales 8 da doman.
03.09.
Partida de palé danter l FC Gherdëina y l SSV Bruneck
L FC Gherdëina jugherà chëst ann tla categuria dla Prumo­zion. La prima partida de chësc campiunat sarà n du­mënia ai 3 de setëmber dala 15:30 sun l ciamp de Mulin da Coi contra l SSV Bruneck.
09.09.
Enduro Trail Hunt »Ciacia dla bales«
N sada ai 9 de setëmber puderà i pasciunei de enduro fé pea na garejeda da cater ndesfidedes. N se anconta pra la stazion a val de Ciam­pinëi dala 10:00. L puderà fé pea grupes da doi o da trëi (tlassifica a pert per la rodes da mont a lectrisc). N possa se scrì ite sot a https://bit.ly/43VLApY.
09.09.
»Crono Fanes« da Pederü sön Fanes
En sabeda ai 9 de setëmber dales 11:00 él la gara cun roda da munt o E-Bike, da Pederü cina sön Fanes. L’iscriziun danfora costa 20,00€, al start 22,00€. Lapró él ince na pasta tla Ücia Lavarella o Ücia de Fanes. Infos y iscriziuns danfora sön www.eventsdolo mites.org o al 327 3698176. La gara vëgn fata sce al é almanco 30 iscric danfora.

Dotours
Doturs Val Badia
Tla fin dl’edema di 2 y 3 de setëmber él en sorvisc ti cin’ comuns dla Val Badia la do­turia Margarete Mahl­knecht, La Val, tel. 349 0667034 o 0474 523018.
Dutor Gherdëina
L dutor de servisc da n sada ai 02.09. dala 08:00 daduman nchin la 08:00 daduman de n lunesc ai 04.09. ie l dutor Giuliano Piccoliori de S. Cristina, tel. 0471 792282 o 348 3301004.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n sada ai 02.09. nchin n vënderdi ai 08.09. ie chëla de Urtijëi, tel. 0471/796125 (orar de giaurida 9.00-12.00/15.00-19.00).
Apoteca Val Badia
L’apoteca en sorvisc fora dl orar ordinar, dal vëndres al 1. de setëmber dales 19:00 al vëndres ai 8 de setëmber ales 19:00, é chëra da San Martin/Picolin, tel. 0474 523020.

Mujiga
Uni vënderdi
»Trio Ladinia« sona te Val
L trio de corni da mont sunerà te Val uni vënderdi, for dala 16:30.
02. y 03.09.
Soundwave Project
Ai 2 y 3 de setëmber vëgnel tigní dales 20:30 i conzerc dl proiet »Soundwave«, tla Ciasa dla Cultura a La Ila. Musizisć dl post se ispirëia ai gragn conzerc che á fat la storia dla musiga y portará dant cianties pop, rock y d’atres sorts, cun na show de löms y video. Prenotaziuns online.
01.09.
Cunzert dla Mujiga de St. Ulrich im Schwarzwald
La mujiga de St. Ulrich im Schwarzwald sunerà a Urtijëi sun Plaza de San Durich ai 1. de setëmber dala 21:00. Sce l ëssa da vester bur tëmp uniral fat tla Cësa de Cultura Luis Trenker.
01. – 03.09.
Festa dl iodelné
Incö al 01.09. dales 21:15 tl Mu­seum Ladin a San Cia­scian: Simon cunta dles liën­des de Fanes, acompagné dal iodelné dl grup »Huja«. Ai 02.09. dales 11:00 él te dlijia da La Crusc na zelebraziun dla Parora cun le medemo grup; dales 14:30 curs da iodelné pro la Ütia da La Crusc. Ai 03.09. escurjiun sön Cherz cun le florí dl sorëdl y dales 14:00 él da aldí i »Huja« cun i corgn da munt »Sas­songher« pro la ütia Franz Kostner. Prenotaziuns ti ofizi turistics o online.
03.09.
»Magnificat« a Moena, Laion e Selva
L Ensemble Canticum Novum de Moena festeja 30 egn col conzert de musega sacrala »Magnificat« adum coi Cores de gejia de Laion e Roncadic e na orchesta de sonadores da Gherdena. Ultim conzert en domenia ai 3 de setember da les 18:00 te la gejia de Selva.
05.09.
Cunzert dl Ensemble de stru­mënc a fla »Philomousia«
L cunzert de mujiga tlassica nirà a s’l dé ai 5 de setëmber dala 20:30 sun Plaza de Chemun te Sëlva.
06.09.
Conzert de Dami Dellantonio
En mercol ai 6 de setember da les 17:00 te piaz Marconi de Cianacei la ciantarina Dami Dellantonio porta dant sie repertorie de cianties soul, pop e jazz col compagnament de musega.
06.09.
Cunzert te dlieja dl Ensemble Alea
L Ensemble Alea sunerà ai 6 de setëmber dala 20:30 tla dlieja de Santa Cristina.
06.09.
I Sons de la Dolomites sun Lujia
En mercol ai 6 de setember da les 12:00 sun Cianvere sun Lujia per la rassegna »I Sons de la Dolomites« vegn portà dant »Polimero, un burattino di plastica« na contia scrita en musega da Giobbe Covatta e interpretèda da Gene Gnoc­chi con la museghes de Stefano Nanni e Danilo Rossi. Se l é catitemp l vegn fat al Palafiem de Ciavaleis da les 17:30.
07.09.
Cunzert dla Mujiga de Oberinn
La Mujiga de Oberinn, metu­da su tl 1892, sunerà ai 7 de setëmber dala 21:00 sun Plaza de Chemun de Sëlva.

Segres y Festes
10.09.
Segra de Runcadic
N dumënia ai 10 de setëmber saràl la Santa Mëssa dala 09:30, da dedò la pruzescion y festa cun ntratenimënt de mujiga.

Referac
05.09.
Corvara: »Na munt de emoziuns«
Ai 5 de setëmber dales 20:30 él tl salf dles manife­staziuns da Corvara na serada cun Aaron Durogati. Le pilot de parapënt cuntará de sües esperiënzes, aventöres y emo­ziuns da joré sura les neores. La serada é por todësch.

Chino
Atualmenter
Al chino de Cianacei
Insnet, vender prum de setem­ber e ence en domenia ai 3 da les 17:00 l é »La casa dei fan­­tasmi« e da les 21:15 »Oppen­­heimer«. En sabeda ai 2 da les 17:00 »Tartarughe Ninja. Caos mutante« e da les 21:15 »Indiana Jones e il quadrante del destino«. En mèrtesc ai 5 e ence en vender ai 8 da les 21:15 »Jeanne Du Barry. La favorita del Re« e en mercol ai 6 da la medema ora »The equalizer 3. Senza tregua«. En jebia ai 7 da les 17:00 l é »Tartarughe Ninja.Caos mu­tante« e da les 21:15 »Barbie«.
Atualmenter
Al chino de Tieser
Insnet, vender al prum e domenia ai 3 de setember da les 17:00 l é »La casa dei fan­tasmi« e da les 21:15 »Oppen­heimer«. Lunesc ai 4 da les 17:15 e da les 21:15 l é »Barbie« che vegn moscià ence en vender ai 8 da les 17:15, enveze da les 21:15 l é »Oppenheimer«.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
05.09.
Turism: n stil de vita che ciapa pè
Dales 20:50 ca. Passèda la sajon da d’istà, a voler fèr n bilanz del turism che ti meisc passé é ruà te noscia valèdes, podon veder con enteress che te Fascia, una de la sorts de turism che ciapa semper più pe l é chela del camping. Program de Cinzia Pistoia, a cura de Anna Mazzel.
06.09.
Teater musical »Ujöp da Oies«
Dales 20:50 ca. Program de Alessandro Dapunt.
07.09.
Scenar ert y cultura
Dales 20:50 ca. Program de Ivan Senoner y Hanspeter Kar­bon, a cura de Leo Seno­ner.

Radio
Atualmenter
Ladinia Live
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
05.09.
Cianties conesciödes te na iesta nöia
Dales 14:45. Cun le mëte man dl mëis de setëmber, presënta le grup musical GANES le album »A cordes«. Ara se trata de na revijitaziun acustica de valgönes de sües cianties. Conduziun: Sara Frenner.
Atualmenter
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
01.09.
Chiara Bernardi: »L Taiwan fova amor a prima udleda«
Dales 19:05. N ann alalongia ie la jëuna de 22 ani stata tl Taiwan, n iede a studië tla Università deKhaosiung y pona àla laurà tla capitela Taipeh pra la Porsche Taiwan. Deberieda cun ëila mparons a cunëscer chësta nazion asiatica drët nteressanta, la cultura, la maniera de viver y pona ruvons nce mpue a cuntat cun l mond di auti sportifs dla Porsche. Trasmi­scion de Georg Mussner.
02.09.
Les ijoles Hawaii: l’atra pert dla medaia
Dales 19:05. L’arcipelagh dles ijoles Hawaii é n paraisc: na contrada de na belëza nia da crëi cun en indesc de bio­diversité altiscim. Mo nia düt ciche slumina é or: de gran desvalianzes soziales, depen­dënza ezesiva dal turism y milesc de persones sënza na ciasa. Storia y atualité dles ijoles Hawaii. Program de Iris Del Valle.
03.09.
Johannes Moroder y si pascion per i auti
Dales 19:05. L jëunn de 24 de Urtijei à finà via si Bachelor pra l’Università Tecnica de Graz, ulache l ie fej pea pra l Racing Team che svilupea auti per garajé. Ël à abù l unëur de vester pilot de n auto svilupà deberieda cun si cumpanies y la ti ie nce jita fata de vëncer vel’garejeda. Johannes nes conta velch de si gran pascion y nce dl mond n generel ntëur ai auti y la tecnologia dl daunì. Tra­smiscion de Simon Moroder.
06.09.
Persones e curiositèdes: Franz Dantone Pascalin
Dales 19:05. Franz Dantone Pascalin nasciù del 1839 e mort del 1909 l é un di prumes o fosc dalbon l prum fotograf de la Dolomites.Jà entorn al 1850 l roda fora per l Europa l se pascionèa e l empèra l mestier. De outa te Fascia l é stat atif te la comunanza metan en pè i studafech da Cianacei e Gries e didan do a fer su desvaliva utes sa mont. Apede a chest l ne à lascià ence na gran arpejon de retrac che viventèa amò anchecondì l enteresc de tropes. Program de Anna Mazzel e Anelise Vian.
07.09.
Le bosch y sü abitanc
Dales 19:05. Le bosch é na ressorsa importanta por la porsona, mo al é ince n daciasa por i tiers salvars. Un de chisc tiers fej tres indô notizia y ne zed nia da ester la figüra plü da tomëi ti libri de stories por mituns. La convivënza dles porsones cun le lu ne á nia ciamó rajunt n ecuiliber. Program de Sara Frenner.

Religion
09.09.
La Val: preparaziun dl Bato
La Uniun dles Ëres Catoliches dl Decanat Val Badia inviëia geniturs che á n viadú da batié, pérs che aspeta, totes y toc ala preparaziun dl Bato, en sabeda ai 9 de setëmber dales 15:00 ales 17:00, te salf dles mani­festaziuns a La Val Preno­taziuns al 328 0717796. Dedô pice renfrësch arjigné ca dala Uniun dles Ëres da La Val.
27.09 – 02.10.
Pelegrinaje a Medjugorje
Al vëgn organisé n pelegrinaje al santuar de Medjugorje, dai 27 de setëmber ai 2 de otober 2023. Prenotaziuns pro Da­niele y Patrizia Agostini al 335 5268546. Informaziuns plü menüdes ciafon pro Cristine y Konrad Sottara al 0471 843077 o 338 5027312.

Avisc
Atualmënter
Orares dl Museum Gherdëina
L Museum Gherdëina tla Cësa di Ladins a Urtijëi ie daviert dal lunesc nchin al vënderdi dala 10:00 -12:30, 14:00–18:00. Nchin ala fin de agost iel nce daviert la sada dala 10:00 -12:30. Per vijites ora dl orar reguler pòssen cherdé su danora: 0471 797554.
Atualmënter
Jí pro les »Ëres tl Artejanat« Val Badia
Les ëres artejanes o ëres cola­ boradësses tl’aziënda de familia é bel inviades da gní a fá pert dl grup dles »Ëres tl Artejanat« Val Badia. An pó s’informé zënza impëgn pro Astrid al 347 2992358 o Manuela al 339 1104083
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
01.09.
Do i troes de la feides
La Magnifica Comunità de Fiem endreza n nef projet culturèl dal inom »Autre stra­de« per jir a descorir i troes che fajea la feides e la ciaures. En vender al prum de setem­ber vegn fat l troi Fanch-Toal de Mascion ensema a esperc che spiegarà la storia del teritorie. Info e prenotazions 0462 340812 o info@palazzo magnifica.eu.
03.09.
28^ Scontrèda Lies da Mont Ladines
En domenia ai 3 de setember l Grop da Mont Cai Sat Auta Fascia endreza la 28^ scon­trèda de la Lies da Mont de la Ladinia sun Contrin. Se se bina da les 11:00 lo da la utia, da les 12:00 l é la messa dita da don Mario Bravin e do marena conzert del Coro Fodom, rengraziament e saluc. Info e confermes a la president Licia Favé al 333 4978848
03.09.
L univers di sciamani
L antropologh professor David Bellatalla porta dant na confe­renza sul sciamaneisem aldò de si studies te la Mon­golia e te etres lesc del mond. L apun­tament l é en domenia ai 3 de setember da les 20:30 fora Ciavaleis te la sala don Frasnelli sora la biblioteca.
04.09
L teater tel bosch
La Risola sera su l projet »Natura Creativa« con l’ultima scontrèda ai 4 de setember tel bosch vejin a Soraga, olache Tatiana Tulini portarà dant »Da la semenza al èlber«, arve­jinament a la natura travers na esperienza de teater per descorir i secrec e la strategies de soravivenza de la piantes. Per info e iscrizions chiamèr Stefania Povolo al 340 8345228.
06.09.
Presentaziun di libri »Der schmale Grat« y »Eine gute Zeit zu leben« cun l’autur Hubert Messner
En mercui ai 6 de setëmber dales 20:00 gnará l’autur Hubert Messner tla Biblioteca Sas dla Crusc a La Ila a pre­senté sü dui libri »Der schmale Grat. Als Arzt und Abenteuer zwischen Leben und Tod.« y »Eine gute Zeit zu leben. Die Welt ist besser, als wir denken.«
07.09.
Camper dla Zentrela di cunsumadëures a Urtijëi
L servisc de nfurmazion y cunsulënza vën menà da per­sones espertes. Ai cunsuma­dëures ti vëniel pità na prima cunsulënza y la puscibltà de se tò pea material de nfurma­zion sun argumënc spezifics coche assegurazions, nvesti­mënc finanzeres, priejes y co mëter a verda per ne unì nia ngianei a cumpré ite y n. i. Oradechël puderàn fé n test di udleies da surëdl (raies UV) y di zeluleres (mesurazion raies). L apuntamënt ie ai 7 de setëmber dala 14:30 sun Pitla Plaza de Sant Antone a Urtijëi.
08.09.
N studie su la letres de Amadio Calligari
En vender ai 8 de setember da les 5 domesdì te sala grana de la Majon di Fascegn a Sèn Jan vegn prejentà l liber de Fabio Chiocchetti »Letres da Larcioné. Amadio Calligari a Tita Cassan (1887-1897)«, dat fora da l’Union di Ladins de Fascia adum col Istitut Cul­tural Ladin. Tol pèrt l autor e l professor Mario Infelise.
21.10.
Iade dla classa 1973 dla Val Badia
Düc i nasciüs dl 1973 dla Val Badia é inviá da tó pert al iade, che condujará sön la Laguna de Aunejia, en sabeda ai 21 d’otober. Por informa­ziuns y por s’anunzié, él da mené n WhatsApp al 333 5204424, anter i 3 de setëmber.

Sozial
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Senio­res). L ie da se lascé nuté su nchin al di dant da mesdì, cherdan su: per Urtijëi l 335 1031751, per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
06.09.
Val Badia: »Family direkt – Pronto family«
Oferta nöia de consulënza dl Consultore familiar (Familien­beratungsstelle) ince te Raiun Sozial Val Badia a Picolin, en mercui ai 6 de setëmber dales 16:00 inant, tla 3. alzada. L’oferta é ponsada por situa­ziuns desvalies: stres, conflic tla relaziun, cosses che pësa söl laur, contesć soziai, familia o ince maratia. Family direkt pîta sön domanda consulënzes al telefon o personales, debann. I termins pó gní tuc online sot a www.familydirekt.it o al 0471 1550900.

Iadi y Jites
05.09.
Jita da d’autonn a Pfelders – Muvimënt catolich dl’ëiles
L vën pià via dala 07:30 dal Dosses a Santa Cristina–cum mesun de zapé ite pra uni fermeda dla curiera. Sun streda de viers dl Passeier se fermeràn a se bever n café. Da dedò saràl na Santa Mëssa y la marënda a Pfelders. L ie da se lascé nuté su pra la filiela dla Cassa Raiffeisen de Santa Cristina. Priesc: 60,00 €.
Uni mierculdi
Raida di mejes sa Sacun
L Museum Gherdëina mët a jì uni mierculdi la raida di mejes sa Sacun, cun vijita ai mejes de Mëune y Peza y ala dlieja da Sacun y ntroduzion ala storia dl nridlamënt tl Museum Gherdëina. N se anconta dala 09:00 tl Museum Gherdëina. La iscrizions vën tëutes su nchin al di dant dala 18:00 dal Museum Gherdëina al 0471 797554 y pra la lies turi­stiches de Gherdëina.

Mostres y Ert
Atualmënter
Mostra: Nexus Paradise
La mostra NEXUS PARA­DISE, na mostra persunela dl artist da Laion Peter Seno­ner, ie da udëi tl Tublà da Nives te Sëlva, uni di ora che l lunesc dala 16:00 ala 19:00; merdi, mierculdi y vënderdi nce dala 20:00 ala 22:00.
Atualmënter
Mostra dl cuncors fotografich »Posć sucrëc te Gherdëina«
Vint fotografies ora dl cuncors fotografich »Posć sucrëc te Gher­dëina«, che n à pudù mandé ite ntan i mënsc de chëst’ ann, ie metudes ora te na mostra sun plaza Nives y tla streda Mëisules te Sëlva. La espusizion jirà inant nchin ai 2 de setëmber.
Atualmënter
Mostra de Barbara Tavella
Tla Galaria Doris Ghetta a Puntives iel da udëi la mostra »Ein Flügelschlag entpuppt meine Körper« de Barbara Tavella. La mostra jirà inant nchin ai 10.10., dal merdi nchin al vënderdi, 15:00–18:00 y de sada sun apunta­mënt (info@dorisghetta.com).
Atualmenter
Mostra Jeghes, Jech e Maravees te Museo Ladin
Fin ai 11 de otober te sala Heilmann del Museo Ladin de Fascia se pel veder la mo­stra ‘Jeghes, Jech e Maravees’ de la Majon di Fascegn, duc i dis fora che la sabeda da les 10:00 a les 12:00 e da les 15:00 a les 19:00.
Atualmënter
Mostra de operes deGuido Anton Muss
Tl salf dl Istitut Ladin a San Martin de Tor él da odëi cina ai 24 de setëmber la mostra »Operes« de Guido Anton Muss. La mostra é daverta vigni de dales 10:00 ales 12:00 y dales 15:00 ales 19:00. Organisaziun: Istitut Ladin y Museum Ladin.
Atualmenter
Oraries Museo Ladin de Fascia
L Museo Ladin de Fascia a Sèn Jan é avert fin ai 10 de setember da la domenia al vender da les 10:00 a les 12:00 e da les 15:00 a les 19:00. L é sera de sabeda e de mèrtesc da les 17:00 se pel se empre­valer de la vijita vidèda. Info sul sit www.istladin.net, prenotazion al 0462 760182.
Atualmenter
Sezions Museo Ladin de Fascia
La sezions sul teritorie é aver­tes da la domenia al vender e serèdes de sabeda. La Sia a Penia e l Molin a Pera da les 10:00 a les 12:00 e da les 16:00 a les 19:00. L Stont a Ciampedel, l Malghier a Pera e l Segat a Poza demò domesdì da les 16:00 a les 19:00. Ogne setemèna l é na vijita vidèda. Info su www.istladin.net e prenotazion al 0462 760182.
01.09.
Mostra de Elisabeth Frei–Wachstum und Gewachsenes
L’artista nvieia de cuer ala giaurida dla mostra n vënderdi ai 1. de setëmber dala 18:00 tl Museum Zivich de Tluses. L dut. Leo Andergassen fajerà la ntroduzion. La mostra jirà inant nchin ai 28 de utober, dal merdi nchin la sada, 09:30–12:00, 15:30–18:00. De dumënia y de lunesc iel stlut.
03.09.
Mostra de fonc
I Carabinieres de Gherdëina mët a jì na mostra de fonc cun l micologh Claudio Rossi, sun Plaza Stetteneck a Urtijëi. La manifestazion ie ai 3 de setëmber dala 09:30 inant.

Cursc
07.09.
San Martin: curs de pilates
Curs cun Marta Willeit, dai 7 de setëmber ai 21 de dezëm­ber 2023, por indöt 15 jöbies, dales 20:00 ales 21:00 te palestra da San Martin. Cost: 145,00€ + 5,00€ por la cherta d’iscriziun ala US San Martin. Prenotaziuns pro Marta al 339 7384558.
11.09.
Al Plan: ginastica y qi gong
Le Consëi de Formaziun d’Al Plan mët a jí n curs de gina­stica saurida cun qi gong, por porsones de vigni eté, dantadöt 50 agn y plü. Referënta: Karin Taibon. Le curs mët man le lönesc ai 11 de setëmber y vá inant cina ai 20 d’otober – indöt 7 incuntades. Iscriziuns y informaziuns al 329 2223634.

Temp Lede
Atualmënter
»L’ert anconta la bona sëures«
Te trëdesc restauranc de Sëlva anconta la bona sëures l’ert de trëdesc artisć:tes dl luech. Chësta manifestazion va inant nchin a mez setëmber.
Uni lunesc
Kids Night – juesc y deverti­mënt per mutons y mutans
La Lia dl Turism de Sëlva nvieia a chësta manifestazion, che vën a s’l dé sun Plaza Nives te Sëlva dala 20:00 inant uni lunesc nchin ai 4 de setëm­ber.
Uni mierculdi
Marcià de prudoc dl luech
L pitl marcià de prudoc dl luech sun Pitla Plaza de Sant Antone a Urtijëi ie inò daviert. I stonc sarà davierc dala 15:00 nchin la 19:00.
Uni juebia
Sëira per mutons:ans cun l Strion Bryan
Tl Zënter Iman uniral metù a jì uni juebia na sëira de au­rela curta, juech y devertimënt cun l strion Bryan, for dala 20:30 inant.
01.09.
Aperitif a Urtijëi
Ncuei vënderdi 01.09. dala 18:00 nchin la 20:30 puderàn se goder de bon aperitifs scutan su de bela mujiga tl raion da jì a pe de Urtijëi. Dal Café Haiti l duo Joe & Nancy y dal Café Soviso Radio Swing–swing and jazz.
01.09.
UNIKA’s Long Night
Pra la mostra dl’UNIKA, tl Zënter dal Tennis a Runcadic, puderàn se goder na sëira longia pra n bel teater de mpruvisazion dla Caram­bolage. L apuntamënt ie ncuei, vënderdi ai 1. de setëmber, dala 20:00 inant.
04.09.
Eco–Hiker tl’Alta Badia
En lönesc ai 4 de setëmber pón tó pert a na spazirada, te chëra che an pó dé n contribut ala natöra cun chëie sö le ciomënt do i trus. An s’incunta dales 16:00 pro la plaza da parché dl Sciaré a San Cia­scian, por jí devers la munt de Valparola. Prenotaziuns ti ofizi turistics dl’Alta Badia o online.
06.09.
A Spas con la musega
En mercol ai 6 de setember con scomenz da les 21:15 ju per strada Meida a Poza vegn endrezà »A Spas con la muse­ga« con gropes de musega, animazion, spetacoi e zeche da douc.
06.09.
Laborators didatics tl Museum Ursus ladinicus
Le mercui ai 6 de setëmber pó i mituns tó pert a döes incuntades didatiches, tl Mu­seum Ladin Ursus ladinicus a San Ciascian: dales 16:30 ales 17:00 pó mituns da 7 a 12 agn imparé val’ sön les Dolomites y dales 17:00 ales 18:30 pó mituns da 4 a 8 agn vijité le museum. Prenotaziuns pro le Museum ladin.
06.09.
Nos Ladins
Tres l’iniziativa »Nos Ladins« pón descurí le monn ladin deboriada cun porsones dl post. En mercui ai 6 de setëm­ber dales 9:30 s’incunton cun Marisa sön le Lüch d’Arslada a Badia, olache ara mostra sciöche an fej da fá smalz cun lat frësch. Prenotaziuns ti ofizi turistics dl’Alta Badia o online.
8-10.09.
Gran Festa da d’Istà a Cianacei
Dai 8 ai 10 de setember a Ciana­cei i Studafech e la Crousc Biencia endreza la Gran Festa da d’Istà. Ai 8 e 9 musega e da magnèr te tendon te Pareda, domenia messa grana da les 10:00 lo da tendon e domesdì con scomenz da les 15:00 te strèda Roma defilèda e esibizion di gropes folk e de la bandes.
10.09.
Ancunteda FIAT 500 SELLA TOUR
Ai 10 de setëmber se anconta i pasciunei de Fiat 500 sun la plaza dan la Cësa de Cultura de Sëlva, dala 08:30. L ie da se lascé nuté su y da paië ite 55,00 euro. Per plu nfurma­zions: 500sellatour@gmail.com, Peter 329 4221363 o Georg 335 8274025.