La Usc di Ladins

Baldi ti ára sceché incö ales atletes talianes tla secunda manche: a Marta Bassino (3a do la pröma proa) deplü co a Federica Brignone; de fat é la Bassino tomada fora püch dan le travert cun n bun tëmp de gara, la Brignone á fat val’ fai y é tomada zoruch te classamënt.
Davagné á cun superiorité y n autocontrol de morvëia l’atleta americana Mikaela Shiffrin, sëgn ára 84 devëntes de Copa dl Monn te n primat mondial feminil che ara alzará ciamó deplü tl dagní.
Bona secunda proa por Ragnhild Mowinckel dla Norvegia, gnüda ala fin secunda. Söl podium s’á tigní la svedeja Sara Hector che á bele davagné nia dadî sön chësta pista Erta tan ria y seletiva por les atletes!