La Usc di Ladins

Quarta venta una do l’autra per l Fascia Balon, che en domenia passada l à venciù contra l Predaia per 1 a 0. Ti prumes menuc l é l ciamp che venc sun duc i 22 jiadores, che no i é bogn de crear ocajion e le doi defendure no ge conzet trate pericolouse.

La endesfida taca a se animar envers la fin del prum temp, canche n defensor de ciasa ciapa l cartelin ros per n fal de reazion e i nonejes i cogn jiar de 10.

Someassa che i prumes carantacinch menuc fenesce sul 0 a 0, ma al ultim menut rua l gol ladin con Alessandro Crepaz, che l desfruta n passaje peigher del defensor nonesc envers so portier: l clas 2003 da Rèba l ciapa l balon, l sauta l portier e l lo met junsom al sach. 

Chesta domenia i proarà endò a fenir con na venta l giron de jita contra l Primier al Cotura da mese le 3 se l temp ge darà l met.

Podede lejer dut l articol, co la classifica e i resultac de le squadre mendre su La Usc stampada de vender prum de dezember.

 (Pierpaolo Rasom)