La Usc di Ladins

Tel mond, l paslonch talian l à da egn n gran pilèster, l à inom Angelo Corradini, president de la Marcialonga, la garejèda de paslonch cognosciuda te dut l mond e che la fèsc pèrt de la Worldloppet, la sociazion e l zircuit internazionèl che met ensema la garejèdes più emportantes de ogne nazion.

Da pech l é stat la radunanza generèla tel Giapon e, do ot egn a cef de la Worldloppet International Ski Federation, l é stat l mudament anter l president Juha Viljamaa de la Finlandia e l american Ben Popp. I comembres, duc d’acort, à nominà l finlandeis president onorarie e medema encèria ge é stat dat su ence al president de la Marcialonga Angelo Corradini, jà president de Worldloppet per 12 egn inant de Viljamaa. 

De più su La Usc stampèda da en vender ai 5 de messèl.