La Usc di Ladins

Dai 31 de jené ai 2 de fauré iel stat la 20ejima edizion dl »Bozner Open« tl Museum dl marcià a Bulsan. De ndut àl tëut pert 124 jugadëures de cin’ nazions, n bel tlap. Dui trëi turnoies ie unic duminei da juga- dëures scialdi jëuni.

Tl Open C fin a 1500 Elo ne fova nia da fermé l favorit Mario Tonin cun 16 ani dl »Arci Scacchi« de Bulsan, ël à venciù duta la cin’ partides. Tl Turnoi B sot a 1800 Elo à mescedà pea Leonard y Josef Demetz dl Gherdëina. Cun trëi ponc sun cinch, de chëi un n »Bye« (partida liedia, pont scincà) à Leonard finà via sun l 16ejim post de 55. A Josef ti àla mpue sciacà, ël à fat un n pont. Venciù à chësc turnoi Matthias Psenner de Steinegg, nce ël cun mé 16 ani. Na prima sensazion, davia che ël ne fova danz nia pra i favoric.

Ma la majera surpreja fova l resultat tl Open A: l jëunn de 13 ani Jonas Unterweger de Sarnthein ie stat bon de vëncer y se davanië l titul de campion provinziel dl singul.

Per la Lia dal Scioh de Gherdëina, Manuel Perathoner

L articul ntier tla edizion nueva de La Usc di Ladins de n vënderdi ai 14 de fauré.