La Usc di Ladins

L zener ie la ravisa de na planta che vën perdrët dal sud-est dl'Asia. Bele dan trëimile ani porta i prim marcadënc l zener tl'Europa dala Cina y dal'India coche medejina y sëur. La crësc te raions ciauc y temperei coche nce tl raion Junin tl Perù, da ulache vën ncë l zener che vën vendù tla butëighes dl mond. Bele da trueps ani incà ie l zener cunesciù coche planta de medejina cinëija y tl ayurveda. L cuntën truep uei essenziei, vitamines y sei minerei. Per si cualiteies picantes vëniel dantaldut tëut ca per fe jopes, té, per cërn y pësc. L zener ie la ravisa de n ciof cun stintli lonc, che a lascé suië vën for plu y plu sterscia. Si tof à n bon aroma y la sëur ie sciorfa. La juda a regulé la digestion, a fé jì demez l stome y l magon nflà. L regulea nce la zirculazion dl sanch y a sué ora la bateries. L té de zener sciauda it l corp, ti dà forza y juda a varì da nsferdides y tisli.

Per la grupa Butëiga dl Mond Gherdëina,
Manuela Piazza

Dut l articul ie da liejer tla edizion nueva de n vënderdi ai 14 de fauré.