La Usc di Ladins

»Egn, amor e biceres de vin no se cognessa mai i dombrèr«, l é chest l pensier gustegol che à compagnà l don che l Club Pietrone l ge à consegnà a la jent de età del Comun de Cianacei. Belapontin ence chest an, en domenia ai 24 de november l grop de volontadives con a cef Monika Zanett l à endrezà la marena ‘de la jent no più tant joena’, coche i ge disc ic. Chest an l era la 26^ marena, do da la pruma edizion che era stata del 1998.

Do da messa grana dita su da don Mario Bravin te gejia del Sacro Cher de Gejù, la jent la se à pricolà sun scola populères ló che i cheghes de la sociazion jà da vèlch dì en ca cojinèa de pien. 

De più su La Usc stampèda de en vender ai 29 de november.  (NICO)