La Usc di Ladins

Plu da giut univa l gran batadù di Destudafuech de Sëlva for metù a jì ai 8 de dezëmber, l di de Sant Ambroje. Ma i tëmps se à mudà: cun la sajon da d’inviern che mët man for plu abenëura y duc che à bele truep da fé ti hotiei, ie nce l batadù unì spustà sun l’ultima du­mënia de nuvëmber. Sce dant se ancuntòven te una o l’autra ustaria dl luech, vën dal 2003 incà l batadù for fat tla sënta di Destudafuech y tla pitla sala di cungresc.

Nce chëst ann, n dumënia ai 24 de nuvëmber, fova la tofla cun duc i cuncurënc tosc plëina. Chi che fej pea pra l batadù vën nce dai luesc ujins, coche da Laion y Ciastel y dai badioc ca. 

Guido Soppelsa y Sergio Soppelsa à chëst ann venciù l gran batadù. Segondi ie ruvei Pietro Rigotti y Igor Demetz, terzi Freddy Nocker y Alan Stuffer y cuarti Erich Rung­ galdier y Andrea Mattiuz. Duc canc à pudù pië do de biei pesć.

Elisabeth Kostner

L articul ntier tla edizion nueva de La Usc di Ladins de n vënderdi ai 29 de nuvëmber.