La Usc di Ladins

Bëgn 120 armënc él gnü presenté en sabeda ai 4 de ma tla hala dl marcé dai tiers a San Laurënz, en gaujiun dla gran mostra de vaces da taces y sprinzes, condütes da paurs dla Val Badia y bassa Val de Puster: ara se trata de na mostra che vëgn a s’al dé ma vigni 5 agn. Tan deplü fejel plajëi da odëi che ince i paurs dla Val Badia á fat bela parüda. Danter devëntes generales, devëntes por le plü bel üre y devëntes de grup él garaté na dërta cumpëda de resultac che scinca sodesfaziuns. I armënc é gnüs portá dant dan da na juria de esperc, olache al gnô en general ciaré al aspet dl tier, tratan che pro i zidladus jogn gnôl ince valuté tan che ai savô da mené le tier y tan che le tier olgâ.

Ci paurs che á mené sü armënc a San Laurënz y ci resultac che ai á arjunt, podëise lí t’La Usc di Ladins di 17 de ma  (pablo)