La Usc di Ladins

Cun l’evënt »Renasciüda«, domënia ai 16 de jügn, él pié ia le program dles ativités y di evënc da d’isté, metüs a jí dala Cooperativa Turistica Alta Badia (CTAB) en colaboraziun cun Alta Badia Brand. Tröp pëis él gnü dé iniann ales tematiches dla sosteniblité y sconanza dl’ambiënt, portades ite te n program rich de manifestaziuns y evënc, che se destira fora por döt l’isté. Le pröm evënt á bele dé dant la direziun, te chëra jí: tres plü daimpró ala conoscënza dl’ambiënt, de süa crisa y di danns gaujá dales catastrofes naturales, por rové ala sensibilisaziun y al’invit ala partezipaziun a scomenciadies che vá al bëgn dla natöra. Porchël s’á abiné en sabeda plü co 150 porsones, en ocajiun dla manife­staziun »Renasciüda« sön Ciaulunch, arjunjan le travert: chël de senté incër 1.000 lëgns.


Liede deplü tla ediziun nöia de vëndres 21 de jügn!