La Usc di Ladins

Tan comot che al é, sce an pó jí dal dotur de ciasa a se lascé vijité, y le dotur vëiga tl computer dötes les vijites che le paziënt á fat tl passé, les medejines che al á ciafé, les operaziuns che al á albü y n gröm d’atres informaziuns sön so »passé sanitar«. Y tan comot che al é sce an fej na vijita te spitol y le dotur de ciasa pó scialdi atira odëi le refert y sá spo ci che al á da fá. Sce chësta funzionëia, él mirit de IKIS (internes Krankenhausinformationssystem), n program adoré ti ospedai da Bornech, Sanciana, Porsenú y Sterzing. Al ti é ince gnü metü a desposiziun ai doturs de ciasa de chisc raiuns – ince a chi dla Val Badia – che l’adora cun plëna sodesfa­ziun da na desëna de agn incá. Cun le 1. de setëmber 2024, tan co dodoman, ti gnará chësc program indere destaché fora, por ti lascé lerch al sistem dla Cherta sanitara eletronica (CSE), por todësch EGA (Elektronische Gesundheitskarte) o por talian FSE (Fascicolo Sanitario Elettronico). La CSE é preodüda da n decret statal y mëss gní aplicada deplëgn anter le 2026, madër che al momënt ára ciamó loces, porchël él i doturs de ciasa che se para.

Co che le sistem nü funzionëia, ci che chësta mudaziun comporta por i paziënc dla Val Badia y de Puster, y ci che é por ëi important da fá atira, podëise lí t’La Usc di 30 de agost



 (pablo)