La Usc di Ladins

L’altonn che se lascia jö por munts y valades nes á acompagné sön nosc iade cultural cun sü ciarüsc, aria cialdina, plöia y sorëdl, en sabeda ai 28 y en domënia ai 29 de setëmber. A Aquileia, nosc pröm travert, sunse jüs sön i fostüs di Romans. Chësta cité ê inlaota öna dles plü importantes dl Imper Roman y deache ara â ince n port fluvial, ne rovâl nia ma adalerch marcianzies, mo ince pinsiers y credo. Insciö s’âl formé pröms grups de cristians y Aquileia deventâ na metropola dla Dlijia Cristiana. Ion esson ince vijité la Basilica, mo baldi êra ocupada da pelegrins; porimpó unse sciafié da capí süa importanza te n tëmp tan dalunc. Plü tert ê Aquileia gnüda desdrüta tratan i assalc di Unni, sot al comane de Attila. Sëgn éra n sit archeologich dër important, che fej pert dl Patrimone Mondial dl’Umanité dl Unesco.
Domisdé sunse rová a Postumia tla Slovenia. Na picia ferata nes á condüt ite por na pert dl gran sistem de galaries sot tera ite de bëgn 24 km.

Deplü sön la jita dl Cor nes cunta Bernardetta Nagler, t’La Usc di Ladins di 11 d’otober