La Usc di Ladins

Intervista cun Katharina Deiaco, animadëssa pro l’Isté deboriada tl 2023. Ara é gnüda intervistada da Carolina, compagna y ex coordinadëssa dl Isté deboriada.

Ciao Kathi, giulan che te t’as tut le tëmp da nes cunté n pü’ de tüa esperiënza de laur pró l’Isté Deboriada. I pó me imaginé che tröpes jones y jogn dla valada é coriusc da savëi deplü dl laur da animadëssa y animadú, por porvé magari instësc n bel de chësc laur cun tröpa varieté. Can aste pa lauré sciöche animadëssa? Y co te savôl pa?
Pro l’Isté Deboriada ái lauré l’ann passé d’isté. Al me á bëgn salpü dër bel, i le fajess ciamó n iade!

Ci ativités ëise pa fat tratan l’isté, cünes te á pa plajü deplü?
Al gnô fat de vigni sort de patüc, de vigni sort de jites. La plü bela jita por me é stada la "Flyline" ite a Türesc. Naota minâi che i me temess, deach i á n pü’ tëma dal’altëza, mo dedô m’ál salpü tan bel da jí fora por bosch dales cascades. Le "funbob" é ince sté dër bel, dailó ái acompagné na möta; al ti savô bel y da rí. Ah, y ince dala Irina Tavella m’ál salpü dër bel, i un fat bocá cun arjila, spo unse fat n pice füch me recordi y "Stockbrot", chël é ince sté bel.

Döta la intervista ciafëise tla Plata dla Jonëza, t’La Usc di Ladins di 11 d’otober. Iló podëise ince ciafé dötes les informaziuns sön la poscibilité da deventé instësc animadus o animadësses di proiec da d’isté. Le Sorvisc ai Jogn Val Badia nen chir indô.