L era dalbon n muion de jent en sabeda ai 28 de setember te gejia de Poza per la messa da le 6 da sera. Na zelebrazion che don Andrea col Comitat parochial à volù ge dedicar ai sposc che à arjont n cedean toron ai 5 egn, n era dai 5 ai 55, ma ence ai bec che scomenza n nef an de catechesi e a dute le familie del paisc.
Endana la messa l é stat endrezà na bela procescion ofertoriala, olache l é stat portà sun utar ence na cariega, segn del sentiment de acolienza che se se augura che l posse esser te ogne majon, e dapò n gramial, simbol del spirit de servije che duc cogn vardar de aer per poder jir inant dalvers te familia, e le viere, portade su da una de le 16 cobie de sposc che à tout part, e che chest an la é ruada a le noze de or.
De più su La Usc stampède de vender ai 4 de otober.
