La Usc di Ladins

Cun i pröms de setëmber de chësc ann, á le Sorvisc ai Jogn ciafé na coordinadëssa nöia. Ara se trata de Sybille Pescoll da La Pli de Mareo, che á tut ite le post de Marco Ellecosta – sté coordinadú ti dui agn passá. Sybille Pescoll á 24 agn; do les scores d’oblianza ára fat la maturité pro l’Istitut Tecnich Economich da Bornech, y á spo metü man n stüde de iurisprudënza tla Université da Desproch, che ara é tl laur da porté a fin. Süa ligrëza da lauré cun la jonëza ára ciafé impröma sciöche mëmbra dl consëi di jogn da La Pli, spo ince sciöche animadëssa dl Isté Deboriada. Surantó chësta inciaria nöia é por ëra – sciöche ara nes á dit – ince na ocajiun da lié ci che ti sá bel, cun süa profesciun. I s’un incunté para tla sënta dl Sorvisc ai Jogn a Picolin, por imparé a la conësce.

La intervista cun Sybille Pescoll podëise lí t’La Usc di Ladins di 11 d’otober  (pablo)