La Usc di Ladins

N valgügn s’un ará anadé, rodan fora por les plazes zentrales di paisc dl comun de Badia, daimpró ales scores y ince dlungia i raiuns dal sport. Chiló él gnü instalé deplü pilastri por les rodes, sides de chi frëms co mobii. Dala partezipaziun dl Comun al fond dla mobilité pro­vinzial (»Mobilitätstopf«) él rové adalerch i contribuc por finanzié scomenciadies, che vá a bëgn de na mobilité sostenibla.
»N vare inant tl vers dl renovamënt dl sistem dla mobilité y na sbürla implü al zitadin por se adaté a na mobilité alternativa«, motivëia l’assessuria comunala Elide Mussner l’istalaziun di pilastri, che manciâ ince tl’Alta Badia, le »raiun dla roda«.

Les rodes pón sëgn taché jö te deplü posć. I pilastri é da ciafé tles plazes zentrales di paisc da La Ila (hotel Ladinia), pormez al zënter scolastich y tl raiun dl sport; insciö ince a San Ciascian, y spo tla plaza dai jüc a Jonorëis a Badia, dan ciasa de Comun a Pedraces y pro la scora elementara a San Linert.

Liede deplü tla ediziun nöia de vëndres, ai 8 de novëmber!