Tratan le 2023 á n grup de mituns, mitans y jones dai 10 ai 18 agn lauré fora n musical adöm cun referëntes profescionistes. Insciö á chësc grup da döta la val Badia podü fá n’esperiënza tl monn dl teater musical, esploré sü talënc artistics y sües competënzes multilinguales. Cater iadi é le musical spo rové söla paladina d’Al Plan de dezëmber 2023. Le gran suzes de dötes les rapresentaziuns á motivé le grup da adaté le spetacul a na paladina plü grana. Ai 8 de dezëmber 2024 dales 16:00 éra tan inant: "Chë picia stria" arsësc tl Waltherhaus cun na verjiun adatada y sottitulada por talian y todësch. I tickets pon aposté dai 17 de novëmber inant sön www.musicalalplan.com
Deplü podëise lí tl Ciantun dla Uniun, t’La Usc di Ladins di 15 de novëmber
"Chë picia stria" röia a Balsan
Do deplü rapresentaziuns de suzes tla Val Badia, ó le proiet "Musical Al Plan" por mituns y jonëza fá n vare inant de dezëmber. En colaboraziun cun la Uniun Ladins Val Badia, la Consulta y la Comunanza Ladina da Balsan röia le musical "Chë picia stria" söla paladina dl Waltherhaus a Balsan. Incö ai 17.11 pëia ia les prenotaziuns
Galaria retrac
View the embedded image gallery online at:
https://www.lausc.it/valedes-ladines/val-badia/28292-che-picia-stria-roeia-a-balsan#sigProId565c04579d
https://www.lausc.it/valedes-ladines/val-badia/28292-che-picia-stria-roeia-a-balsan#sigProId565c04579d
