La Usc di Ladins

Na gran valuta, no demò a livel sportif, turistich e promozionèl, ma ence per la comunanza. La doi garejèdes de superG de eles sul portoi La VolatA sun Sèn Pelegrin che vegnarà metudes a jir ai 24 e 25 de firé che vegn segna n moment spezièl per la val: la concretisazion de n obietif che da n muie de egn duta la val chieria de arjonjer. Per la pruma outa Fascia la é ofizialmenter tel calandèr de Copa del  Mond, e chest premia l empegn de duta na comunanza che da egn se met a la leta per l endrez de evenc de livel internazionèl, premia l lurier de sozietèdes sportives e de impianc, de Apt, Scoles de schi e gropes militères e de n muion de volontadives.

L é stat dit en jebia prum de firé a Trent, te la sala Edo Benedetti, senta de Itas Mutua partner del event, olache l é stat endrezà la conferenza stampa de prejentazion: programazion, anteveder, costanza e capazità de fèr squadra ge à permetù a Fascia de realisèr chel che per egn l é stat n ensomech e che ades l é doventà na realtà.

De più su La Usc stampèda de en vender ai 9 de firé.  (Lucia Gross)