La Usc di Ladins

Borjú y gola por l’Oktoberfest a Minca/München, la maiú festa dal monn. Mo oramai ne mësson nia plü jí cina Minca, »Oktoberfest« él en pü’ endlunch, te ciütés y cianees privates. Porchël danfora: na viva a na festa co é gnüda copiada y mët man da tó ete cinamai les festes y segres popolares tlo y enló. Ma che tan saurí n’él nia da »copié« l’Oktober­fest, al ne basta nia na bandira dai corusc bavareji blanch y bröm, y na bira con en per de liagnes blances…
Nia da crëie olache l’Oktoberfest é endlunch gnüda strabaciada cina sën. La Cina, conesciüda por les copies che ara fej de paisc entiers y nia ma paisc, á söa Oktoberfest a Qingdao con zirca trëi miliuns de ghesć al ann, tal Canada él spo a Kitchener l’Oktoberfest con 700.000 gheśc al ann. A Nürnberg  él le »Cannstatter Volksfest« con cater miliuns de gheśc co recorda la »Oktoberfest«, y a Víena él ince festa les prömes döes edemes d’otober söles »Wiener Wiesn«. Ci nen dí de dötes les festes co vën fates aladô dal’Oktoberfest tla Talia (Südtirol, Trentin. Venet y Toscana…), tai Paisc Todësc endlunch, y tl’America. »Oktoberfest« ó dí musiga popolara (dandadöt »Böhmisch«) y bira, liagnes y ciamó y endô bira y bira y liagnes. Cinamai te nüsc paisc ladins é l’Oktoberfest gnüda realté, la rezeta co alda lapró é bira, liagnes… y ince braia de coran y diendl – plü kitch che le guant á, miú che al é!

De plu tla edizion stampeda de La Usc di Ladins o sun l e-paper a paiament www.lausc.it/e-paper