La Usc di Ladins

Dotours
Dutor Gherdëina
L dutor de servisc da n sada ai 01.07. dala 08:00 daduman nchin la 08:00 daduman de n lunesc ai 03.07. ie l dutor Simon Kostner de Sëlva, tel. 347 2297492.
Doturs Val Badia
Tla fin dl’edema dl 1. y 2 de messé él en sorvisc ti comuns de Mareo y San Martin le dotur Eduard Agreiter, San Martin de Tor, tel. 0474 523315 o 333 1380852. Ti comuns da La Val, Badia y Corvara él en sorvisc le dotur Alberto Caretta, Badia, tel. 0471 839706 o 380 3161999.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n sada ai 01.07. nchin n vënderdi ai 07.07. ie chëla de Ciastel, tel. 0471/706323 (orar: lu-ve 8.30-12.00/15.00-19.00. Turnus: sa. 8.30-12.00/16.00-19.00, du. 10.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 30 de jügn dales 19:00 al vëndres ai 7 de messé ales 19:00, é chëra da La Ila, tel. 0471 847152.

Mostres y Ert
Atualmënter
Mostra »i minerai dles Dolomites«
Tl salf dles manifestaziuns a Corvara él da odëi cina ai 22 de messé na mostra de corëc, sot al titul »I minerai dles Dolomites«. Ara é daverta dal lönesc ala sabeda dales 8:00 ales 12:00 y dales 15:00 ales 19:00; la domënia dales 9:00 ales 12:00 y dales 16:00 ales 18:00.
07.07.
»Cunescion i lëures de...«
Tl Café Surëdl uniràl metù ora lëures dla artista dl Sarntal Annelise Hofer. La vernissage dla mostra sarà ai 7 de lugio dala 10:30 tl Café Surëdl a Urtijëi.

Iadi y Jites
Uni mierculdi
Raida di mejes sa Sacun
L Museum Gherdëina mët a jì uni mierculdi la raida di mejes sa Sacun, cun vijita ai mejes de Mëune y Peza y ala dlieja da Sacun y ntroduzion ala storia dl nridlamënt tl Museum Gherdëina.N se anconta dala 09:00 tl Museum Gherdëina. La iscrizions vën tëutes su nchin al di dant dala 18:00 dal Museum Gherdëina al 0471 797554 y pra la lies turistiches de Gherdëina.
01.07.
Jita ornitologica y botanica
La Lia Uciei Gherdëina y la Lia da Mont de Gherdëina nvieia ala jita ornitologica y botanica ai 01.07.. N se anconta dala 08:00 sa Martin (l Citybus ie iló ntëur la 8). Da iló passeràn da Costamula y n jirà da Nudrëi su nchin dala stazion dla Secëda y pona ite dal Pëne y dai plans da Fëur ite. Iló iel de biei prei tumies ulache l crësc urchi­deies. La jita finerà via ntëur marënda, ma chi che uel possa nce jì inant ite te Bredles. L vën cunsià de tò pea na rola.
02.07.-04.07.
Südtirol Jazz Festival
L se trata de na escurscion cun doi nuetes acumpenieda dai musizisć Siegmar Brecher, Valentin Schuster y Lorenz Raab. La trassa va dala stazion a val dla furnadoia Sponata a La Ila su per la utia Garde­nacia nchin ala utia Puez y pona te Val y te Sëlva. Per nfurmazions n con’ di priejes y per la iscirzions: 0471 982324 o info@suedtirol jazzfestival.com.
03.07.
Ena dla jites tla Dolomites
N dumënia ai 2 de lugio dala 20:30 unirà prejentà l program y dai 03.07. dala 09:00 inant meterà man la jites n ucajion dla 13ejima edizion dla ena dla jites tla Dolomites. Ai 03.07.: Jita sun piz Culac, ai 04.07.: Bindelweg, ai 05.07.: jita panoramica tres Sëlva, ai 06.07.: Meran 2000, ai 07.07.: jita japé dl Saslonch y cëina.
09.07.
E-bike y via fereda
Jita metuda a jì dala Lia da Mont de Gherdëina. N se anconta pra la fermeda dla curiera da Soplajes. Da iló jiran cun la e-bike da Iender ite de viers dl Sauté, Dialer y su nchin sa la utia Tierser Alpl (2.440m), ulache n se anjinierà ca l set per la via fereda. Do velch da bever mueveràn su per i Dënz de viers de Cuecena per la ferata dl Maximiliansteig fajan na raida y ruvan de reviers per l troi n. 4 pra la utia dla Tierser Alpl. Do na bona marënda ora de flucion o te utia, pieran inò de reviers per la medema streda. Deficultà: mensan­mënter mpeniativa. Per plu nfurmazions: Arnold 333 4377171, Georg 335 7885710, Theo 338 3340111.

Teater
14.07.
Teater ala lergia: »Der wundersame Massenselbstmord«
La Lia dl Teater de Urtijëi mët a jì chëst ann d’instà n teater alalergia. La premiera dl pez »Der wundersame Massenselbstmord« sarà ai 14.07. dala 21:00 tla chëurt dla scola elementera de Urtijëi. Chertes danora ie da giapé tla butëiga Scudela a Urtijëi. Dutes y duc ie de cuer nviei.

Avisc
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 e de domenia da les 13:30. Con Smart TV sul medemo canal se pel l veder canche se vel orian co la friza en su i sot­canai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
Atualmënter
Orares dl Museum Gherdëina
L Museum Gherdëina tla Cësa di Ladins a Urtijëi ie daviert dal lunesc al vënderdi dala 10:00 -12:30, 14:00–18:00. Dai prims de lugio nchin ala fin de agost iel nce daviert la sada dala 10:00 -12:30. Per vijites ora dl orar reguler possen cherdé su danora: 0471 797554.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 1698343) y Methilde (tel. 335 6977604).
Atualmënter
L’Ofize de »Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster – MIP
L’ofize dla MIP – Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
01.07.
Scontrèda su la Marmolèda
En sabeda al prum de messèl da les 21:00 te piaz de Cianacei Campo Base endreza na scontrèda su »Marmolèda, l davegnir de la mont coi muda­menc climatics« con Reinhold Messner alpinist e scritor, Maurizio Fugatti president de la Provinzia de Trent, Christian Casarotto glaciologh del Muse, Giovanni Bernard ombolt de Cianacei e Paolo Grigolli diretor de l’Apt de Fascia.
03.07.
Messa per la vitimes de la Marmolèda
En lunesc ai 3 de messèl da les 11:00 sun Fedaa lo dal Refuge Cima Undici vegn dit na messa da don Mario Bravin e monsegnor Lauro Tisi n an do da la tragedia de la Marmo­lèda. Sobito do vegn metù ju na targa en recort de la vitimes.

Mujiga
23.06.
Conzert de la Musega de Poza
Insnet, vender ai 23 de jugn a Poza l é l conzert de la Muse­ga de paisc. Da les 21:15 la ponta via en defilèda da la gejia de Sèn Nicolò e do la sona te tendon de la manifesta­zions.
02.07.
Conzert del Cor Valfassa
En domenia ai 2 de messèl, da les 15:00 lo dal Refuge Cima Undici sun Fedaa vegn endrezà n conzert del Cor Valfassa en recort de la vitimes de la tragedia del an passà. Se fossa catitemp l conzert vegn fat te gejia de Dèlba.
06.07.
Mujiga da La Val te Sëlva
La Mujiga da La Val tenirà n cunzert sun Plaza de Che­mun te Sëlva n juebia ai 06.07. dala 21:00.
08.07.
Cor di ëi Raetia cianta sun Resciesa
L Cor di ëi Raetia cianterà pra la capela de Resciesa n sada ai 8 de lugio dala 10:30.
Uni mierculdi
Cunzert dla Mujiga de S. Cristina
La Mujiga de Santa Cristina sunerà uni mierculdi dala 20:30 tl Zënter Iman de S. Cristina. Duc ie nviei de cuer.
Uni vënderdi
»Trio Ladinia« sona te Val
L trio de corni da mont sunerà te Val uni vënderdi, dai 30 de juni inant, for dala 16:30.

Sozial
Atualmënter
Bancarela dl mangé a Badia
La Bancarela dl mangé a Badia é daverta vigni jöbia dales 9:30 ales 10:30. Families y porsones che á debojëgn ciafa dailó spëisa debann. Ala bancarela pó s’oje la jënt di comuns de Badia, Corvara y La Val.
Atualmënter
Ciamena dal guant a La Ila
La Ciamena dal guant »Neo­res« a La Ila é daverta vigni vëndres dales 14:00 ales 15:30. An pó dé jö guant y cialzá nia roviná y nëc por mituns da 0 a 14 agn, sciöche ince tasces da scora, elms da jí cun la roda, panolins. An pó spo se tó ci che an adora, por na spënora de 1,00€ por vigni toch – che vá a fin de bëgn.
07.07.
Grupa Deberieda: jita sun Pana
La grupa Deberieda nvieia a na jita sun Pana, deberieda ai:la cumpanies de »Il nostro spaziosissimo« de Bulsan. N se anconta n vënderdi ai 07.07. dala 14:00 dan la Cësa de Paussa. La grupa Deberieda ie na grupa cun ulenteres, per se ancunté danter persones che à problems psichics o de sozialisazion.

Temp Lede
Atualmënter
La Val: ala descurida dl paisc
Ince fora por i mëisc da d’isté pón tó pert a na ciacia al tesur particolara fora por le paisc da La Val. Ara se trata de na spazirada interativa da na staziun al’atra fora por les fraziuns dl paisc cun le travert da ciafé la parora de soluziun. Dötes les informaziuns y i materiai da pié ia ciafon tl ofize turistich da La Val.
01.07.
Maratona for kids
Ince i mituns pó tó pert a na gara dla roda en gaujiun dla »Maratona for kids«, en sabeda al 1. de messé dales 10:30. Les iscriziuns por mituns da 6 a 12 agn vëgn tutes sö direta­mënter le de dla gara dales 9:00, tl pre sot la scora de schi da Corvara. La cuota d’iscri­ziun vá a fin de bëgn ala fonda­ziun »Dynamo Camp«.
30.06-02.07
La Bira Te Fascia
A Ciampedel jun Ischia anché vender ai 30 de jugn da les 4 do­mesdì aur l tendon del festival che jirà inant doman e domenia da mesdì fin mesa­net con degustazions de bira artejanèla, bon magnèr e prodoc de ezelenza, musega dal vif e saeres del teritorie: en domenia sera Dj set con Frankie hi nrg mc. Maor infor­mazions su: www.labirate fascia.it
30.06.
Nuet longia a Urtijëi
Nsnuet, vënderdi ai 30.06. dala 21:00 inant puderàn se la lascé ji bona tl raion da jì a pe de Urtijëi: la butëighes sarà daviertes, i locai dajerà ora da maië y da bever y la grupa »Sun sëida« sunerà de bela mujiga.
03.07.
Tradizions de Gherdëina–Guant dala gherdëina
Ai 03 de lugio dala 20:30 puderàn amiré l bel guant dala gherdëina tl zënter de Urtijëi.
03.07.
Kids Night–jue sc y deverti­mënt per mutons y mutans
La Lia dl Turism de Sëlva nvieia a chësta manifestazion, che unirà a se l dé sun Plaza Nives te Sëlva n lunesc ai 3 de lugio dala 20:30 inant.
04.07.
La Val: domisdé di mituns
Mitans y mituns da 3 a 12 agn pó tó pert a n domisdé creatif, en mertesc ai 4 de messé dales 15:00 ales 17:00 a La Val. I mëndri acompagná da Giulia y dai geniturs se fajará na picera spazierada por cöie adöm material dl bosch por pastelné. Prenota­ziuns ti ofizi turistics dl’Alta Badia o online.
05.07.
Laborators didatich tl Museum Ursus ladinicus
En mercui ai 5 de messé pó i mituns tó pert a döes incun­tades didatiches, tl Museum Ladin Ursus ladinicus a San Ciascian: dales 16:30 ales 17:00 pó mituns da 7 a 12 agn imparé val’ sön les Dolo­mites y dales 17:00 ales 18:30 pó mituns da 4 a 8 agn vijité le museum. Prenotaziuns pro le Museum ladin.
05.07.
Nos Ladins
Tres l’iniziativa »Nos Ladins« pón descurí le monn ladin deboriada cun porsones dl post. En mercui ai 5 de messé dales 9:30 pón imparé da fá smalz adöm cun Marisa a Badia. Prenotaziuns ti ofizi turistics dl’Alta Badia o online.
06.07.
Cunzert dla Mujiga de Urtijëi
La Mujiga de Urtijëi sunerà n juebia ai 06.07. dala 21:00 sun Plaza de Dlieja a Urtijëi. Dutes y duc ie nviei de cuer.
06.07.
Karen Show – Mini-Zircus per mutons:ans
Sun Plaza de Chemun de Sëlva vëniel metù a ji n mini zircus per mutons y mutans, n juebia ai 6 de lugio dala 17:00 nchin la 18:30.
07.07.
Vins alaleria
La linia de degustaziuns de vins de Südtirol vá inant ai 7 de messé dales 14:30 sö La Crusc a Badia. An pó ciarcé na seleziun de vins cöci adöm cun n sommelier. Prenotaziuns ti ofizi turistics dl’Alta Badia o online.
07.07.
Aperitif Urtijëi
Dala 18:00 inant puderàn s’la lascé jì bona pra n bon aperitif cun mujiga dal vif tl raion da jì a pe de Urtijëi. La manife­stazion ie n vënderdi ai 7 de lugio.
Uni merdi
Marcià di paures y artejans
Dai 27 de juni inant vëniel metù a ji l marcià tradiziunel di paures y artejans, tl raion de jì a pe de Santa Cristina dala 19:00 inant.
Uni merdi
Pastelné cun materiai naturei
Sun Pitla Plaza de Sant An­tone a Urtijëi puderà i mëndri y la mëndres pastelné cun materiai naturei (putes, rames, pleces, ciofes, yni.), uni merdi, dai 27.06. inant dala 14:30 nchin la 18:00.
Uni mierculdi
Marcià de prudoc dl luech
Dai 28 de juni inant giaurirà l pitl marcià de prudoc dl luech sun Pitla Plaza de Sant Antone a Urtijëi. I stonc sarà davierc dala 15:00 nchin la 19:00.
Uni mierculdi
Marcià sun Plaza Nives
L marcià tradiziunel, ulache n puderà cialé, ciarcë y cumpré roba y spëisa locala, unirà a s’l dé uni mierculdi dai 28.06. inant dala 14:30 nchin la 17:00 sun Plaza Nives te Sëlva.
Uni juebia
Sëira per mutons:ans cun l Strion Bryan
Tl Zënter Iman uniral metù a jì uni juebia na sëira de aurela curta, juech y deverti­mënt cun l strion Strion Bryan, for dala 20:30 inant.

Chino
Atualmenter
Al chino de Cianacei
Doman, sabeda al prum de messèl da les 17:00 l é »Indiana Jones e il Quadrante del Destino« che vegn moscià ence en domenia ai 2 da les 21:15 e enveze da les 17:00 l é »Elemental«, lunesc ai 3 da les 21:15 l é »Ziggy Stardust % the Spiders from Mars«, mèrtesc ai 4 da les 17:00 l é »Elemental« e da les 21:15 l é »Mindcage–Mente Criminale«, mercol ai 5 da les 21:15 l é »Ziggy Stardust % the Spiders from Mars«.
Atualmenter
Al chino de Tieser
Insnet, vender ai 30 de jugn, sabeda al prum de messèl e domenia ai 2 da les 17:30 l é »Elemental«, sabeda al prum, domenia ai 2 e lunesc ai 3 de messèl da les 21:15 l é »Indiana Jones e il Quadrante del Destino«.

Segres y Festes
02.07.
Sègra di trei paijes
En domenia ai 2 de messèl lo dal PalaDolomites de Ciam­pestrin vegn fat sègra di trei paijes de Mazin, Ciampestrin e Fontanac. Da les 9:00 messa grana, jeghes con Circensema, dal mesdì marena, da les 14:00 spetacol de cabaret con Giovanni Cacioppo de Zelig e Colorado e do musega coi Bonderes.
05.07.
San Ciascian: Paisc en festa
En mercui ai 5 de messé dales 16:00 inant vëgnel tigní a San Ciascian le »Paisc en festa«: Artejagn vënn articui tradizio­nai sön le pice marcé, deperpo che val’ uniuns dl paisc y eser­­zizi dl post dá fora da mangé y da bëre. Por l’intra­tignimënt musical fistidiëia i »Wisetime« a Alexander dal Plan.

Leteratura
07.07.
Storia per mutons y mutans
Tla biblioteca San Durich a Urtijëi puderàn n vënderdi che vën dala 15:00 scuté su na storia de chindesc menuc per mutons y mutans.
11.07.
Prejentazion cun Ingrid Runggaldier y Nadia Rungger
Tla biblioteca San Durich a Ur­tijëi uniràl n merdi ai 11 de lugio dala 20:00 prejentà l liber »Gezahnt wie der Kiefer eines Alligators – Was Reisen­de über die Dolomiten schrie­ben« de Ingrid Runggaldier, cun dumandes y letures de Nadia Rungger.

Sport
Atualmënter
Iscrizions curs per purvé l sport dl volley
Es’a nce tu ueia de purvé l sport dl volley y ies nasciù danter l 2012 y l 2016? Pona scrì te ite a nosc curs per purvé che vën a s’l dé ala fin de agost sun l ciamp da beach volley dal Tennis Urtijëi. La iscri­zions ie daviertes nchin ai 15.08.2023 sot al numer +39 333 1666922.
Uni juebia
Ancunteda de sauté
I Gherdëina Runners mët a jì na ancunteda cun alenadëur per miuré la tecnica de sauté y per mparé leprò n con’ de chësc sport, uni juebia dala 19:00 nchin la 20:00 sun l ciamp dal sport Mulin da Coi. Dutes y duc ie de cuer nviei.

Radio
Atualmenter
Ladinia Live
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
Atualmenter
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
30.06.
15 ani sezion sportive tl ITE de Urtijëi
Dales 19:05. Ciche tl prim semiova me n tel sperimënt ie al didancuei na realtà nia da sotvaluté te Gherdëina. Dan 15 ani nfati fovel unì metù su la sezion sportiva tl ITC de Urtijëi, sezion che se à te duc chisc ani svilupà dassënn, fajan madurì nce truep atlec de livel mundiel. Do 15 ani iel perchël na rejon deplù per fé festa dij l ambolt de Urtijëi Tobia Moroder, l diretëur dl ITE Raetia Bern­hard Flatscher, l trainadëur Andreas Kasslatter y la nsenianta y presidënta dl SCG Lidia Bernardi. Trasmiscion de Simon Moroder.
01.07.
Momënc de vita – intervista a Marc Castlunger
Dales 19:05. Marc Castlunger é n jonn da La Ila, che á passé so cuarto ann de scora alta tl’America, tl stat dl Michigan. Marc nes cunta de süa espe­riënza tla scora alta americana, di posć che al á vijité tl’Ame­rica y de sües impresciuns sön chësc Paisc. N program de Erika Castlunger.
02.07.
Co vala pa inant cun la »Banca dl Tëmp«
Dales 19:05. Dl 2019 fovel unì metù su, cun gran ntu­jiasm y ueia de fé, la »Banca dl Tëmp«, na lia soziela ativa sëura duta Gherdëina. Ma per deplù rejons – bonamënter nce per la pandemia – ne n’à chësta idea de mëter a dispo­sizion vel servisc, vel stroc y nce chëla de se nuzé pona de chësc, nia pià fonz te nosta valeda. La lia à fat ora te si ultima senteda de finé via l’atività. Ntervistes a Ludwig Moroder y Marion Perathoner. Trasmiscion de Simon Moroder.
05.07.
GANA 27 – L’autra vijion
Dales 19:05. L’autra vijion o miec l’autra mesa vijion del mond é l ciapel de l’ultim numer de la revista gana prejenteda chisc dis passè a Ciampedel. L numer 27 à n tai politich che auza fora desvalives aspec de nosc viver aldidanchè te n mond semper più malà dal pont de veduda sozièl e ambientèl che domana na maora sensibilisazion e educazion per fèr crescer la cultura envers al respet e la valivanza. Apede a articoi su l’eco­feminism, la situazion de la eles te l’Afghanistan, l femi­nizid e l’importanza de la paroles, vegn uzà fora stories personèles che tol ite n secol de mudamenc te l’Europa o cheles de eles che à lascià na pedìa te nesc paijes apede a trop de auter. Program de Anna Mazzel.
06.07.
Cultura, lengaz e identitá en moviment
Dales 19:05. Noscia cultura, nosc lengaz e noscia identità l é elemenc vives, che se mef aldò di mudaments del temp, che tol ite la desvalivanzes e che i se met a confront con chel che i troa enlongia l per­cors ence tras barac culturèi. Jon più tel fon del argoment con la diretora del Istitut Ladin Majon di Fascegn Sabrina Rasom. Conduzion Cinzia Pistoia.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
04.07.
Pizes dla Ladinia
Dales 20:50 ca. Program de Manfred Stuffer y Hanspeter Karbon, a cura de Alessandro Dapunt.
05.07.
Aquilee – La storie di une capital
Dales 20:50 ca. Tel documen­tar »Aquilee, storie di une capital« l storich Luca De Clara conta la storia de una de la più emportantes zità del period roman te desvalives lesc de la zità friulena. Da si reijes zeltiches al period roman e la entraunides medievales che à fat nascer l Patriarcat de Aquileia enscin ai fac del milite ignoto de la Gran Vera. Regia de Marco d’Agostini, storich Luca De Clara, a cura de Anna Mazzel.
06.07.
Scenar ert y cultura: Mario Rasom – Stefan Demetz
Dales 20:50 ca. Mario Rasom ova do n nzidënt metù man de se tripè cun na turnadëcia. Si garage se à riesc do trasfur­mà te na berstot, ulache mo al didancuei lëurel cun l lën, se devertian a fé uni sort de cosses sota l sëni dla criatività. Stefan Demetz fej cumposi­zions al computer per ti dé l sonn ai films. Si mujiga da film juda a descedé emozions y a ti dé pever ala scenes. Dovia iel sambën truepa ëures de lëur, che l jëunn ne schiva nia. Program y cunzet: Ivan Senoner, tai: Hans Peter Kar­bon, a cura de Leo Senoner.

Cursc
10.07.
La Ila: Curs da soghé al palé
La Uniun Sport Alta Badia mët a jí n curs por mituns dla scora elementara cun Ubi Valentini. An s’incunta le pröm iade en lönesc ai 10 de messé dales 15:00, tl ciamp dal sport da La Ila. Al sará spo indöt 10 incuntades. Le cost dl curs é de 70,00€. Infos pro Ubi al 338 3462087, les iscriziuns vëgn tutes sö le pröm de.
11.07.
Curs de ladin – livel B1
L’Istitut Ladin Micurá de Rü mët a jí n curs de ladin dl livel B1, cun Ulrike Frenademez. Le curs mët man en mertesc ai 11 de messé y vá inant indöt 8 iadi, fina ai 8 d’agost, dagno­ra mertesc y jöbia dales 18:00, tl Istitut Ladin a San Martin de Tor. Infos y iscri­ziuns al 0474 523110 o ala mail ulrike@micura.it
24.07.
Curs de dessëgn de basa
L’EPL–Ert por i Ladins mët da jí por la »Cademia La Pli« tla Scora d’La Pli de Mareo n curs de dessëgn de basa cun Jutta Valentini, por jones y jogn dai 12 agn insö y adulc. Informaziuns y iscriziuns dan i 9 de messé 2023 pro l’artista Jutta Valentini d’Al Plan: jutta@valentini.cc
24.07.
Curs da portreté
L’EPL–Ert por i Ladins mët da jí por la »Cademia La Pli« tla Scora d’La Pli de Mareo n curs da fá portrés cun Jutta Valentini, por jones y jogn dai 12 agn insö y adulc. Infor­maziuns y iscriziuns dan i 9 de messé 2023 pro l’artista Jutta Valentini d’Al Plan de Mareo: jutta@valentini.cc
31.07.
Curs de pitöra a öre alaleria
L’EPL–Ert por i Ladins mët da jí por la »Cademia La Pli« a La Pli de Mareo n curs de pitöra a öre alaleria cun Jutta Valentini, por jones y jogn dai 12 agn insö y adulc.Infor­maziuns y iscriziuns dan i 9 de messé 2023 pro l’artista Jutta Valentini d’Al Plan de Mareo: jutta@valentini.cc
29.07.
Curs de kintsugi
L’EPL–Ert por i Ladins mët da jí por la »Cademia La Pli« a La Pli de Mareo n curs de kintsugi cun l’artista d’La Pli de Mareo Gaia Lionello, por jones y jogn dai 12 agn insö y adulc. Informa­ziuns y iscriziuns pro l’artista Gaia Lionello: gaialionello@hotmail.com – tel. 333 3653636.
05.08.
Curs de xilografia
L’EPL–Ert por i Ladins mët da jí por la »Cademia La Pli« a La Pli de Mareo n curs da fá inzijiuns a relief sön plates de linoleum cun l’artista d’La Pli de Mareo Gaia Lio­nello, por jones y jogn dai 12 agn insö y adulc. Informaziuns y iscriziuns pro l’artista Gaia Lionello: gaialionello@hotmail.com – tel. 333 3653636.