La Usc di Ladins

Sport
Atulmënter
Alenamënc de sauté
Es’a pensà de scumencé a sauté? Ues’a fé pea na mesa maratona, na maratona o d’autra garejedes de sauté y ne ses nia co te anjenië ca? L ASV Gherdëina Runners pieta alenamënc propi de chësc viers: vie a fé pert dla grupa y a te alené uni merdi dala 19:15 sun l ciamp dal sport Mulin da Coi a S. Cristina.
29.06.
Lavaredo Ultra Trail
I partezipanc dla Lavaredo Ultra Trail u80k piará ia en chësc ann da La Val, en doman sabeda ai 29 de jügn dales 7 da doman. Le percurs é de 80 km cun travert a Cortina d’Ampëz.
1.–05.07.
Hockey Camp – Powerskating
Dai 1. nchin ai 5 de lugio saràl tl stadio Pranives te Sëlva na lingia de ativiteies per jugadëures de hockey per miuré si maniera de jadiné. Per iscrizions y plu nfurma­zions: info@ProHockey­Eu rope.com o 320 4817332.
04.07.
Maratona Village
Tl ciamp dal sport a Badia vëgnel daurí en jöbia ai 4 de messé dales 20:00 ales 22:30 le »Maratona Village«, olache an pó ciafé de vigni sort de atrezadöra por la roda. Le »village« sará ince davert le vëndres dales 10:00 ales 19:00 y la sabeda dales 10:00 ales 18:00.
05.07.
Edema dl ziclist
L’edema dan la Maratona dles Dolomites á düc i amanc dla roda la poscibilité da tó pert a escurjiuns cun la roda, deboriada cun ambasciadus locai y cam­piuns. Ai 2 de messé ván cina a Pederü, pian ia dales 9:00 dan l’ofize tu­ristich da La Ila; ai 5 de messé fajarán la roda de Fodom adöm a deplü campiuns dla roda y personaji, pian ia dal ofize turistich a San Ciascian.
06.07.
Maratona for kids
En sabeda ai 6 de messé dales 10:30 vëgnel tigní tl pre dlungia la staziun dl implant Boé a Cor­vara na picia gara dla roda, por mituns da 6 a 12 agn. Les iscri­ziuns é da fá en chël de dales 9:00 inant, al prisc de 5,00€ a ce, che jará a fin de bëgn por l’asso­ziaziun »C’è da fare«.

Dotours
Dutor Gherdëina
L dutor de servisc da n sada ai 29.06. dala 08:00 daduman nchin la 08:00 daduman de n lunesc ai 01.07. ie l dutor Giuliano Piccoliori de S. Cristina, tel. 0471 792282 o 348 3301004.
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 28.06. nchin n vënderdi ai 05.07. ie chëla de Fie, tel. 0471/725373 (orar: 8.30-12.30/15.00-19.00, sada 8.30-12.30, stlut mierculdi domesdì. Turnus: sa. 8.30-12.30/16.00-19.00, du. 10.00-12.00).

Apoteches
Apoteca Val Badia
L’apoteca en sorvisc fora dl orar ordinar, dal vëndres ai 28 de jügn dales 19:00 al vëndres ai 5 de messé ales 19:00, é chëra da La Ila, tel. 0471 847152.
Doturs Val Badia
Tla fin dl’edema di 29 y 30 de jügn él en sorvisc tla Val Ba­dia le dotur Alberto Caretta, tel. 0471 839706 o 380 3161999.

Iadi y Jites
30.06.
50ejima Marcia de Gherdëina
La Lia di Ciambonfs mët a jì la Marcia de Gherdëina te Sëlva n dumënia ai 30 de juni. N puderà crì ora danter doi trasses: una de cin’ chilometri cun n deslivel de 70 metri, l’autra de 10 chilometri cun n deslivel de 120 metri. La grupes possa se scrì ite mo ncuei, 28 de juni. Deplù nfurmazions giàpen da Oswin Senoner sot al numer 335 6558633 o la e-mail oswin.senoner@gmail.com, o pra la Lia dl Turism de Sëlva.
30.06.
Traverseda dla mont de Fanes
La Lia da Mont de Gherdëina mët a jì chësta jita de n di, da Pederü a Capanna Alpina, n dumënia ai 30 de juni. L sarà n deslivel de 600 metri suvier y 750 metri juvier – da jì feter 5 ëura. Per nfurmazions y iscrizions: 348 7803397.
03.07.
Raida di mejes sa Sacun
L Museum Gherdëina mët a jì na raida pra i mejes Mëune y Peza y ala dlieja da Sacun. N se anconta dala 9:00 tl Museum Gherdëina, ulache l sarà na ntroduzion ala storia y arpejon architetonica da paur de nosta valeda. La jita fina via sa Sacun dala 13:00 sa Somont pra la fermeda dla curiera. L vën furnà su cun l Citybus. Iscrizions: nchin al din dant, merdi, dala 18:00 tl Museum Gherdëina: 0471 797554.

Temp Lede
Atualmënter
La Val: ala descurida dl paisc
Na ciacia al tesur particolara portará fora por le paisc da La Val chësc isté. Ara se trata de na spazirada interativa da na staziun al’atra, cun le tra­vert da ciafé la parora de solu­ziun, chirin les staziuns fora por paisc. Dötes les informa­ziuns y i materiai da pié ia ciafon tl ofize turistich da La Val.
28.06
Nuet longia a Urtijëi
Nsnuet, vënderdi ai 28.06. dala 21:00 inant puderàn se la lascé ji bona tl raion da jì a pe de Urtijëi: la butëighes sarà daviertes nchin la 22:30, i locai dajerà ora da bever y la grupa sun|sëida sunerà de bela mujiga. Ncuei, vënderdi, saràl la »Gin Night«. La mani­festazion unirà a s’l dé nce ai 26.07. – »Sparkling Wine Night« y ai 30.08 – »Craft Beer Night«.
30.06.
Kidshour – devertimënt por mituns sö alalt
Pro le parch »Movimënt« sön Piz Sorega vëgnel metü a jí ai 30 de jügn, sciöche ince ai 2 y 4 de messé, jüc, animaziun y devertimënt por mituns da 5 a 10 agn. La manifestaziun vëgn tignida vigni mertesc, jöbia y domënia dales 13:30 ales 17:00, cina ala fin de setëmber. Iscriziuns online o ti ofizi turistics dl’Alta Badia.
01.07.
Escurjiun sura le chefer
Sot al’iniziativa »Atira« vëgnel tigní en lönesc al 1. de messé na escurjiun olache an pó imparé deplü sön le chefer y ince sön i danns dla tempesta Vaia, gaujá tl bosch de Ciau­lunch. L’escurjiun cun Roland pëia ia dales 9:30 pro le Planac. Iscriziuns online o ti ofizi turistics dl’Alta Badia.
02.07.
Marcià de prudoc dl luech
L pitl marcià de prudoc dl luech sun Pitla Plaza de Sant Antone a Urtijëi ie inò daviert. I stonc sarà davierc dala 15:00 nchin la 19:00, uni merdi nchin ai 10 de setëmber.
03.07.
Pastelné cun materiai naturei
Sun Pitla Plaza de Sant An­tone a Urtijëi puderà i mëndri y la mëndres pastelné cun materiai naturei (putes, rames, pleces, ciofes, y n.i.), dala 14:30 nchin la 18:00.
03.07.
San Ciascian: laboratore por mituns
Le Museum Ladin Ursus ladinicus mët a jí en mercui ai 3 de messé dales 15:30 ales 17:00 n laboratore sön nostes munts, por mitans y mituns da 7 a 12 agn. Dales 17:00 pó spo i mëndri da 4 a 8 agn vijité le museum y ince pastel­né na maschera cun la forma de na laurs. Prenotaziuns tl Museum Ladin.
04.07.
Calfosch: devertimënt por mituns
En jöbia ai 4 de messé pó mitans y mituns da 4 a 12 agn tó pert a n domisdé cun ativités da pastelné, tl parch dla natöra a Calfosch. Dales 15:00 inant pón depënje toc de peza cun les fëies deboriada cun Anna. Iscriziuns online o ti ofizi turistics dl’Alta Badia.
04.07.
Sëira per mutons:ans
Na blóta sëira de aurela curta per mutons y mutans vën metuda a jì ai 4 de lugio, dala 20:30 tl Zënter Iman. »Daniele and friends« i fajerà devertì cun striunëc, mujiga y popes che rejona.
05.07.
Aperitif a Urtijëi
Dala 18:00 nchin la 20:30 tla ustaries dl zënter de Urtijëi. L unirà pità de bon aperitifs.
05.07.
Storia de 15 menuc
La bibliotech de San Durich a Urtijëi nvieia ala manifesta­zion »Storia de 15 menuc« per mutons y mutans, n vënderdi ai 5 de lugio dala 15:00 te bibliotech.
09.07.
San Martin: s’incuntun te biblioteca
En mertesc ai 9 de messé dales 15:00 é mitans y mituns dla elementara inviá te biblio­teca a San Martin, por n do­misdé cun stories, jüc y pastelné.
Uni lunesc
Kids Night – juesc y devertimënt per mutons y mutans
La Lia dl Turism de Sëlva nvieia a chësta manifestazion, che vën a s’l dé sun Plaza Nives te Sëlva dala 20:30 inant uni lunesc nchin ai 19 de agost.
Uni merdi
Marcià tradiziunel di paures y di artejans
Uni merdi dai 25.06. inant, for dala 19:00 nchin la 22:30, saràl l marcià di paures y di artjenas tl zënter de Santa Cristina. Uni ena unirà pre­jentà n mestier da artejan y l ne mancerà nia ntrateni­mënt de mujiga.
Uni mierculdi
Marcià de sëures y de tradizions
Uni mierculdi dai 26 de juni nchin ai 7 de agost saràl sun Plaza Nives de Sëlva, for dala 14:30 nchin la 19:00, n marcià de sëures y de tradizions, ulache n possa ti cialé, purvé o cumpré de bela cosses dl artejanat tradiziunel y maië velch de bon dl raion.
Uni juebia
»Flying Aperitivo«
N juebia ai 27.06 dala 18:00 nchin la 19.00 sun Pana. La manifestazion unirà fata da juni nchin tl scumenciamënt de setëmber, uni juebia. Ntan n viac sun l lift dai stuei da Pana de viers de Mont de Sëura y inò ju, pòssen se goder l bel udëi ora pra n aperitif y vel’ bon bucon leprò. Da bur’ tëmp vën la manifestazion spënta. L ie dase scrì ite nchin al di dant pra la Lia dl Turism de Santa Cristina o direta­mënter pra l mplant dla Mont Sëura.

Avisc
Atualmenter
L Istitut Cultural Ladin de Fascia chier personal
L Museo Ladin de Fascia tol su personèl, tras na Coprativa Sozièla, per l Servije de sora­vèrda de la sezions sul teritorie (dal 1 de messèl ai 10 de setem­ber). Per maora informa­zions se prea de chiamèr ite chest numer: 0462.760182 (Mara e/o Daniela) o manèr na mail a: museo@istladin.net.
Atualmenter
I

• 
•  

View the embedded image gallery online at:
https://www.lausc.it/manifestazions-y-evenc/27409-manifestazions-atuales#sigProIdb9bc48ab7d

oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
Atualmenter
Pigui Experience te Museo Ladin de Fascia
Te Museo Ladin de Fascia, al priesc de 2 euro apede al biliet de entrèda, se pel tor pèrt al jech »Pigui Experience«, reality game che fèsc cogno­scer l sit archeologich de Mazin. Desponibol da la domenia al vender da les 10:00 a les 12:00 e da les 15:00 a les 19:00 con prenotazions sul sit www.istladin.net.
Atualmenter
A spas te la sezions del Museo Ladin
Enscin ai 4 de setember se pel jir a veder la sezions sul teritorie del Museo Ladin e se pel ence tor pèrt al jech »A spas che spas« metan ensema l stempel de duta la sezions per ciapèr n bel don. L’entrèda é debant te dutes, fora che te la Mostra de La Gran Vera a Moena. Maor info e la mapa te Museo Ladin, tel. 0462 760182.
Atualmënter
Scola de Criatività – iscrizions per l ann nuef
La lia La Vëta fej al savëi che la iscrizions per l ann che vën ie daviertes – mé tres e-mail, scrijan a lialaveta@gmail.com. La Scola de Criatività pieta nce l ann che vën lerch per 27 sculeies y sculées dala cuarta elementera inant nchin tla terza mesana. La ancun­tedes ie n iede al’ena, de lunesc o mierculdi (aldò dl’età) y dura 90 menuc. Per nfurma­zions plu avisa pòssen cherdé su l 339 4912492.
Atualmenter
I bec su la pedies de la Gran Vera
Per dut istà fin ai 4 de setember de mercol da les 16:00 i servijes educatives del Museo Ladin endreza lo da la mostra La Gran Vera te Navalge a Moena »Caccia alla traccia« per bec dai 8 ai 13 egn. A paament e debant con Fassa Guest Card. Endèna i gregn pel jir ite a veder la mostra a priesc rebassà. Prenotazion de obligh al 0462.760182.
Atualmenter
Oraries Museo Ladin de Fascia
L Museo Ladin de Fascia é avert enscin ai 10 de setember da la domenia al vender da les 10:00 a les 12:00 e da les 15:00 a les 19:00. De lunesc te chisc oraries l é l’atività per families »Giramuseo« e de mèrtesc da les 17:00 la vijita vidèda su prenotazion. Per gropes se pel ence la domanèr te etres oraries. Info e preno­tazions al 0462.760182.
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies a espertes.
29.06
Prejentazion Cianties Pietro Decrestina
Doman sabeda ai 29 de jugn, tel dì de la sègra del paisc, a Soraga l’Union di Ladins de Fascia endreza la prejentazion de la regoeta de cianties per cor de Pietro Decrestina, maester de musega da Soraga enciasà a Roma. Tol pèrt l autor, la sopran Angela Chiocchetti e l pianist Paolo Bernard. Apuntament te La Gran Ciasa da les 16:30.
01.07.
Lia di Filatelisć – ancuntedes
La Lia di Filatelisć, Numis­matics y Vedla Chertes de Gherdëina se anconta uni prim lunesc dl mëns dala 20:00 tl Bar 2000 a S. Cri­stina, per s’la ciaculé y fé vel’ barat. La proscima ancunteda sarà ai 1. de lugio.
12.07.
San Martin: udiënza dla defensuria popolara
La defensuria popolara o süa sostituta tëgn udiënza a San Martin de Tor, tl salf di stöda­füch, en vëndres ai 12 de messé dales 14:00 ales 17:00. Por prenotaziuns cherdé sö le 0471 946020. Les proscimes udiënzes de chësc ann a San Martin é spo ai 13 de setëmber y ai 8 de novëmber.

Sozial
Atualmenter
Bonamans per la enrescida scientifica
L Servije Sozio-assistenzièl del CGF e la Crousc Checena tol su bonamans per la enre­scida scientifica de la malaties rères. Se deida coscita l Depar­timent de Biologia Cellulare, Computazionale e Integrata (CIBIO) de l’Università de Trent per troèr fora neva tera­pies per salvèr la vita de chi che à na malatia rèra. La bona­mans pel vegnir metudes sul cont de la Crousc Checena de Fascia e Fiem a la FPB Cassa.
Atualmënter
Picolin: portina por l’assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Chiló vëgnel dé informaziuns y sostëgn por les chestiuns che reverda le guern y l’assi­stënza.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 1698 343) y Methilde (tel. 335 697 7604).
Atualmënter
Bancarela dl mangé a Badia
La bancarela dl mangé é da­verta vigni secunda jöbia, dales 9:30 ales 10:30. Le pro­scim termin é ai 4 de messé. Al vëgn dé fora da mangé a dötes les porsones dla Val Badia che á debojëgn.
Atualmënter
Ciamena dal guant a La Ila
La Ciamena dal guant »Neo­res« a La Ila é daverta vigni vëndres dales 14:00 ales 15:30. An pó dé jö guant y cialzá nia roviná y nëc por mituns da 0 a 14 agn, sciöche ince tasces da scora, elms da jí cun la roda, panolins. An pó spo se tó ci che an adora, por na spënora de 1,00€ por vigni toch – che vá a fin de bëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc ser­visc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Se­niores). L ie da se lascé nuté su nchin al di dant da mesdì, cherdan su: per Urtijëi l 333 7877095 (Marisa), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).

Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
29.06.
Le café é la boanda plü consu­mada al monn, do l’ega
Dales 19:05. Incö vëgn le café arjigné ca te n gröm de mani­res. Süa preparaziun y süa saú variëia aladô dl post olache al vëgn boiü. Tratan la trasmi­sciun podëise ascuté sö de plü informaziuns y corio­sités sura la storia, mo ince sura sorts esotiches de café, sciöche por ejëmpl le café »Kopi Luwak«, öna dles sorts de café plü ceres y che vëgn arjignada cun i escre­mënc di tiers. Program de Iris Del Valle.
30.06.
Diana Ross, la regina dla »soul«
Dales 19:05. L ti vën dit la Re­gina dl soul, la diva dla mujiga foscia. Si usc ie tan flessibla, nsci da pudëi nter­preté d’uni sort de stii, dal jazz al blues, dala mujiga disco al pop. Prejenton na icona dla mujiga moderna, na cian­tarina che à cumplì chëst ann 80 ani y che toca zënzauter pra la ciantarines de majer suzes: Diana Ross. Tras­miscion de Georg Mussner.
01.07.
Patrick Demetz campion de hockey
Dales 19:05. Cun 14 ani iel muet deviers di Paejes Tudësc per ti ji dò a si sëmi de deventè n jugadëur de hockey sun dlacia prufesciunist. Krefeld, Leipzig y Regensburg la trëi scuadres ulache l jëun de Sëlva à jugà nchinamò y cun i Eis­bàren dla scuadra dl Bayern ie Patrick »Pato« Demetz, chësc ultim ann, stat bon de vëncer l campiunat tudësch DEL 2, la segonda liga plu auta dla Germania. Program de Leo Senoner.
03.07.
Ercabuan, i colores de la pesc: »Monc de pèsc«
Dales 19:05. Ence dedant a la vera ge vel chierir la pèsc, na riflescion su la Gran Vera te nosc raion é vegnuda sporta chisc dis passè a Moena con na rievocazion storica e desva­lives evenc te paisc e alò da la mostra de la Gran Vera che compiesc chest an 10 egn. »Monc de Pèsc – l recort de la Gran Vera per portèr dant la pèsc« Program de Anna Mazzel.
04.07.
I corusc cialc: cöce, ghel, arance, rosa y roses
Dales 19:05. I corusc baia, ai comunichëia tl’ert, insciö sciöche ince tla liturgia y tla psicologia. Te chësc program ti ciarunse tl monü ai corusc cialc, tres la usc de n prou, de na psicologa y de n artist. Program de Sara Frenner.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
02.07.
Pizes dla Ladinia: Piz Ciavazes
Dales 20:50 ca. Program de Manfred Stuffer y Hanspeter Karbon, a cura de Alessandro Dapunt.
03.07.
Arpejuns: Santa Giuliana
Dales 20:50 ca. Program de Giulia Tasser y Hanspeter Karbon, a cura di Alessandro Dapunt.
04.07.
Deboriada
Dales 20:50 ca. Program de Ivan Senoner y Georg Penn, a cura de Leo Senoner.

Mujiga
28.06.
Trio di corni da mont »Ladinia«
L trio »Ladinia«, sunerà si corni da mont ncuei, vënderdi 28 de juni dala 17:30 inant te Val.
30.06.
Cianté y soné sön munt
Tla cornisc dl »Cianté y soné sön munt« tl’Alta Badia, po­darán en domënia ai 30 de jügn dales 13:30 inant aldí le trio »Cors da Munt Sasson­gher«, che sona pro la Ütia Bec de Roces sura Ciaulunch.
30.06. – 02.07.
Südtirol Jazz Festival
Dai 30 de jügn ai 2 de messé vëgnel tigní tl parch natural Pöz–Odles valgügn conzerc dl Südtirol Jazz Festival. Le trio »Words« jará a pe da La Ila cina te Gherdëna y tignará n conzert pro la ütia de Gher­denacia, ai 20 de jügn dales 14:00, spo le de do te Pöz y ai 2 de messé te Gherdëna.
28.06.
»Nosc lingaz, nosc tesur« cun Hubert y Lucia
L’iniziativa »Nosc lingaz, nosc tesur« liada al lingaz ladin vá a piz incö vëndres ai 28 de jügn dales 20:30, tla Ciasa dla cultura a La Ila. An podará tó pert a na sëra de musiga cun Hubert y Lucia Frontull.
03.07.
Cunzert dla Mujiga de S. Cristina
La Mujiga de S. Cristina su­nerà n mierculdi ai 3 de lugio dala 21:00 tl Zënter Iman a S. Cristina.
04.07.
Cunzert dla Mujiga de Urtijëi
La Mujiga de Urtijëi sunerà n juebia ai 4 de lugio dala 21:00 sun plaza de dlieja San Durich a Urtijëi.
04.07.
Cunzert dla Mujiga de Sëlva
La Mujiga de Sëlvai sunerà n juebia ai 4 de lugio dala 21:00 sun plaza de Chemun te Sëlva.

Segres y Festes
29.06
Sègra a Soraga
Doman sabeda ai 29 de jugn festa di Sènc Piere e Paul l é sègra a Soraga. Vegn dit messa te la geja parochiala da les 10 da doman e do vegn benedì la »Ciasa di bec« frabicat che tol ite la scolina e la coa di fan­tolins. Dapò sarà mingol de festa per la comunanza.
29. y 30.06.
Segra da Rina
La Musiga da Rina inviëia ala segra dl paisc, ai 29 y 30 de jügn. An mët man la sabeda dales 18:00 inant cun n ape­ritif y dedô sona le duo »Flo­Jack« da Balsan. La do­mënia dales 8:15 él la santa mëssa y dedô matinée cun liagnes blances. Da misdé él la posci­bilité da marné, cun l’acom­pagnamënt dla »Böh­mische Enneberg«. Domisdé sona la musiga da Sarnthein y söl tert domisdé musiga da b al cun »Feiwolawi«.

Religion
06.07.
Corvara: Preparaziun dl Bato
La Uniun dles Ëres dl Decanat Val Badia inviëia geniturs che á n viadú da batié, pêrs che aspeta, toc y totes dl decanat ala preparaziun dl Bato, en sabeda ai 6 de messé dales 15:00 ales 17:00, te salf de calonia a Corvara. Le de vëgn stlüt jö cun n pice renfrësch arjigné dala Uniun dles Ëres. Prenotaziuns al 334 3200396.

Mostre y Ert
Atualmënter
Mostra – Cuncors de dessëni: Giro d’Italia
La scoles elementeres y mesanes de Gherdëina à fat pea pra n cuncors de dessëni n ucajion dl Giro d’Italia. Na juria à cris ora i 30 dessënies plu garatei, che unirà metui ora sun la Plaza Nives te Sëlva nchin ai 14 de lugio.
Atualmënter
Anvidalfarei y Sprotte tl Museum Ladin
Tl Museum Ladin Ciastel de Tor él da odëi la istalaziun »TOR« de Lois Anvidalfarei, sciöche ince la mostra »Sieg­ward Sprotte. Nord süd, la geo­grafia dl’ert«. La mostra sará da odëi cina ai 30 de setëmber.
Atualmënter
»Mumënc« de Hugo Senoner
Tl Tublà da Nives iel da udëi na mostra de Hugo Senoner dal titul »Mumënc«, che re­sterà davierta nchin ai 29 de juni, uni di dala 16:00 ala 19:00, ora che l lunesc.
Atualmënter
Josef Kostner – cëves y ciavons
Tla galaria Vijion a Puntives iel metù ora na mostra de­dicheda al artist Josef Kostner y n particuler ala tematica dl cë. La espusizion resterà da­vierta dai 8 de juni nchin ai 1 de lugio, dal lunesc nchin la sada danter la 16:00 y la 19:00, o cherdan su l nr. 338 2098697.
Atualmënter
Bienela Gherdëina
Ala nona edizion dla Bienela Gherdëina, dal titul »The Parliament of Marmots« y pra chëla che l fej pea bën 35 artisć:tes, puderàn ti cialé nchin ai 1. de setëmber. I lëures ie metui ora a Puntives, tl zënter de Urtijëi y te de plu posć. Per plu nfurmazions y vijites menedes: 393/9323927, www.biennalegherdeina.it
Atualmënter
Mostra: »Countdown to mass extinction?«
Le Museum Ladin inviëia da jí a ti ciaré ala mostra speziala »Countdown to mass ex­tinction?«, che é da odëi fina ai 3 de novëmber tl Museum Ciastel de Tor. La mostra se dá jö cun la plü gran estinziun de massa tla storia dla tera, en relaziun cun la crisa clima­tica da sëgn.
Atualmenter
Matthias Sieff a la Trienala de Bad Ragaz
L cognosciù artist da Ciam­pedel Matthias Sieff tol pèrt con sia gran operes a »Bad RagARTz« la maor esposizion de scultures a l’averta d’Euro­pa, te chesta sia IX edizion dal titol »Presente«. Tel Gies­sen­park de la zitadina termala svizera l é operes de 88 artisć. Les resta fora fin a la fin de otober.
28.06.
Bienela Gherdëina 9: program de film
Ncuei, vënderdi ai 28 de juni uniràl mustrà n film tl Ciastel de Gherdëina dala 20:00: Jumana Manna, »Foragers«, dl 2022. L film dura 64 menuc y la ntroduzion vën fata de Lisa Angelini, botanica dl MUSE (Museum dla scienza) de Trënt.
29.06.
Bienela Gherdëina: a pe da Val nchin sun Fanes
La jita vën fata cun l artist Michael Höpfner, l paleon­tologh Herwig Prinoth y l botanich y ornitologh Iacun Prugger, che menerà cun si savëi tres cuntredes de ma­rueia. L vën pià via dala 06:00 dala plaza dai auti te Val. Per plu nfurmazions y per se nuté su: info@biennalegherdeina.it

Chino
Atualmenter
Al chino de Tieser
En domenia ai 30 de jugn da les 21:15 l é »Inside out 2«, en sa­beda ai 6 e en domenia ai 7 da les 20:45 l é »Horizon an American Saga P1«, en domenia ai 7 e en lunesc ai 8 da les 17:15 l é »Kung Fu Panda 4«, lunesc ai 8 da les 21:15 l é »La treccia«. Program su www.cinematesero.com