La Usc di Ladins

Lois, podessesste te presenté en cört a nostes leturies y nüsc leturs?
Lois Kostner I sun l Lois Kostner da La Ila, i á 20 agn, sëgn stüdi le secundo ann tl’Université de Bologna cun sënta a Forlí inji­niaria aereospaziala.

Co te sá pa la vita de cité? Te mancel les munts?
Ince sce al me sá bel da studié, sunsi tres indô contënt da gní derevers a ciasa, ajache i me stá dër saurí chiló, cun temperatöres plü frësches.
Mi dejider foss chël da resté chiló le plü dî che ara vá, mo al gnará rî lauran te chësc ciamp dla inji­niaria aereospaziala.

Poste nes splighé plü avisa ci che to stüde reverda?
Mi stüde se dá jö cun döt chël che reverda injins che jora: sciöche fligri, rachetes, missii; sciöche chisc funzionëia, sciöche ai vëgn proietá y sciöche ai vëgn frabicá. Tl terzo ann, canche le stüde devënta ince plü pratich, vëgnera da tó la dezijiun te ci che an ó se spezialisé. Iö me pënsi che i jará inant cun le stüde söl cosmos y la mecanica orbitala.