La Usc di Ladins

Inside Out 2 l rua denef a ne contèr con umorism e sensibilità la pèrt de la emozions, e l ge sporc soraldut ai joegn n garatà laboratorie psico-educazional. Se l prum aea l’ambizion de ne contèr e moscèr la pèrt emotiva de la protagonista, Riley, na beza de 11 egn, l sequel enveze se conzentra sul passaje dal mond di bec a chel di joenec.

Alarm pubertà. La protagonista del carton Riley ades la é te la joneza, na fasa che porta gregn mudamenc, neva emozions e l’emportanza de la relazions con n grop de amisc. 

A la emozions che aane jà cognosciù dant: ‘Gioia’, ‘Rabbia’, ‘Tristezza’ e ‘Disgusto’, ge vegn metù apede neva emozions encompres, verties a fèr cajin, descheche vel la regoles de chesta età. Sarà donca l moment de ‘Imbarazzo’, ‘Invidia’, ‘Ennui’ (stufejia) e soraldut de … ‘Ansia’.

Riley troa jà la pruma proes: l destach da sia pecontes, la discuscions coi genitores, l sens no esser aldò.

Esploran la joneza tras l’auto-identità emotiva, Inside Out 2 normalisea cruzies e dubies, e l sporc lezions preziouses de azetazion de sé per ogne la età.

De più te la Piata di Joegn de La Usc stampèda de vender ai 16 de aost.  (Alice Deluca)