La Usc di Ladins

Ai 12 de agost ie l prim ntervënt tla Ladinia stat puech do la set daduman a Urtijëi per na reazion alergica.
Daldò ie l joler cueciun unì cherdà per n ntervënt a La Val. N ël dl post fova tumà ntëur dlongia si cësa. Canche l joler ie ruvà sun l post ne àn purtruep pudù fé nia auter che cunstaté si mort.
Puech dan la doi iesen unì cherdei mo n iede per n’emergënza sanitera a Urtijëi.
Ai 13 de agost domesdì ie n ël cun la roda frì contra n auto pra la stazion dal penzin a Puntives. Davia che l ël se ova mé fat puech mel iel unì sëurantëut dala Crëusc Blancia. Daldò fòvel da julé a Santa Cristina tla streda Mastlé pra n nzidënt cun n camion che fova tumà ju de n valgun metri. L sciafer se ova fat mesanmënter mel y ie unì menà cun l joler tl spedel de Bulsan. Dala 22:30 iesen julei a Corvara, ulache na seniëura à abù na reazion alergica. Do la prima cures iela unida meneda te spedel cun l’ambulanza.
Ai 14 de agost dala 11:20 fòvel da julé sun Mont Sëuc, ulache na dependënta de n hotel ne se sentiva nia drë’ bën. N ie julei limpea tl spedel de Bulsan. Dala set da sëira iesen julei a San Ciascian per n’emer­gënza sanitera. Do la prima cures ie l’ëila uni­da meneda cun l joler tl spedel de Bulsan.

De plu tla edizion stampeda de La Usc di Ladins o sun l e-paper a paiament www.lausc.it/e-paper