La Usc di Ladins

N auter pont per l Fascia de gra a la parità otegnuda contra l Mezzocorona. 

Ti prumes menuc de la endesfida l é l ciamp che à la venta, zenza che una de le doi squadre fosse bone de aer la soramessa su l’autra. 

Al 15’ menut rua la pruma ocajion de la partida con Massimo Lorenz de Meca che sauta n om e l trasc te mez a l’area de rigor l balon, che l rua sui pie de Alessandro Crepaz. L joen da Rèba l tira te usc, ma l portier ghest salva la rei co na gran parada. 

I fascegn tegn miec l ciamp e i é bogn de ge dar valch cruzie a la defendura rotaliana, ma zenza che l balon fenesce junsom al sach. 

De più, coi resultac de la squadres di joegn e la classifica, su La Usc stampèda de vender ai 19 de setember.  (Pierpaolo Rasom)