La Usc di Ladins

N auter gran apuntament sportif sarà te noscia valèdes te presciapech n meis. Dai 12 ai 15 de setember te Fiem l é i Mondièi de Skiroll, cater dis de garejèdes che assegnarà i titoi e che arà valuta ence desche terza e ultima tapa de la sajon de Copa del Mond. L diretor tecnich de la nazionèla talièna Emanuele Sbabo à dit che chest »sarà l apuntament più emportant de duta la sajon, en particolèr per noscia squadra ajache se la fajon fora te cèsa. La sajon é pontèda via ben te la Lettonia e no demò con la categories Senior ma ence con cheles Junior che à fat de bela proes. Per la fin de aost la squadra farà sie ritiro ja Pardac per proèr i percorsc de Fiem.«

De più su La Usc stampèda de en vender ai 16 de aost.